ولالوم صدري يوم ثارت خزاينه

البارحه نفسي على الله حالها = غيّم سماها واشغلتني بحالها
تلعج بروق الضيق بالهم والعنا =وضاق الفضا والنفس ياشين فالها
وان قلت يانفسي على الله اصبري =قالت تعبت ايامكم مع ليالها
اصبر واجامل والصبروش فوايده =دام الاجابه ماتطابق سؤالها
اليوم صبر باح كثرت روابعي =ومثلك يعرف النفس لاضاق بالها
واقول يانفسي حياتي رموزها =خلني ماعرف شرقها من شمالها
ودنيا العنا ماينعرف وين راسها =تخالطت برجالها مع رذالها
امر يحيّر كل عاقل بوقتها =عقول البشر منها تزايد هبالها
وقتِ غريب مافهمنا غرايبه =دقاقها متخالط مع جلالها
الوقت شيّبني ونفسي تحطمت =وغاب الامل والارض ضاقت سهالها
واسباب من عكر على النفس جوها =وخثرب مشارب صافيه من زلالها
رجل احسبه بالوفا مد ساعده =وكنت احسب انه للحمول ارتكالها
ودارت بنا الايام وبانت فعايله =وطاح وتردى بكلمته ماحتمى لها
وبانت عمايل من هقيته على الوفا =ان الرجوله في يدينه حبالها
وخابت هقاوي في ضميري تصوّرت = ان االصداقه في فعوله وصالها
مديت له يمنى الشرف في لزومها =وجلست انا بالشمس وهو في ظلالها
ومالوم هقوه دام مااعلم بغيبها =ولا لوم نفس ماستراحت بحالها
ولالوم صدري يوم ثارت خزاينه =دام العضلّه خيّلت بي خيالها

بـــدر القويضي العياضي

الاخ بدر العياضي صح لسانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يابدر القويضي بيض الله وجهك

	صح الله لسانك ولاهنت وسلم فكرك وبنانك دمت برعاية الله وحفظة

أبيات غاية في الجمال والروعة

صح لسانك وسلم بنانك

قصيده وافيه ومن راس وافي
لاهنت ولاهان هذا الحضور
تقبل تحيتي

صح الله السانك


قصيدة عانقة السماء بجزالتها وأبداعها

تحياتي لك

لاهنت وصح السانك

تقبل التقدير والاحترام

وفقك الله

	المشاركة الأصلية كتبت بواسطة سعد المحمدي

	الاخ بدر العياضي صح لسانك

صح بدنك يالغالي ولا هنت على المرور