موال ومحاوره ابو مشاري ومضحي بن جمران

سلام ياحرب هذا الملتقي مفخره -- والهرج واجد ونبغي قول فيه ثمره
والرجل مهما علا شانه وليد المره -- وسنه الله تمضي في العرب من سنين

الليل يا مضحي تولم بعد انا يمك نويت - نويت اولعها حرايق نار مع دخانها
نويت اكسرها علا راسك واضني كمليت - والمعذره جاكم هجوم الخيل من فرسانها

يا ساتر!

صح لسانك يبو مشاري

وينك يا مضحي نشوف النتيجة قبل تربيط الشياطين
في الشهر الفضيل؟

الليل الليل

	المشاركة الأصلية كتبت بواسطة ابومشاري

	سلام ياحرب هذا الملتقي مفخره -- والهرج واجد ونبغي قول فيه ثمره والرجل مهما علا شانه وليد المره -- وسنه الله تمضي في العرب من سنين الليل يا مضحي تولم بعد انا يمك نويت - نويت اولعها حرايق نار مع دخانها نويت اكسرها علا راسك واضني كمليت - والمعذره جاكم هجوم الخيل من فرسانها

يامرحبا ياهلا والملتقى نذكره=بالجزل واللي مسوي طيبه نشكره
وابو مشاري وليد الناس مانحقره=وسنة الله تمضي في العرب من سنين

يابو مشاري وش علامك جيت كلك كمبليت=شبيت نارك والرساله واضحٍ عنوانها
نويتها ياطول عمرك بس اظنك ماقويت=لكن عبر عن خفايا غايتك بلحانها

	المشاركة الأصلية كتبت بواسطة الصييفي

	يا ساتر! صح لسانك يبو مشاري وينك يا مضحي نشوف النتيجة قبل تربيط الشياطين في الشهر الفضيل؟ الليل الليل

اخوي الغالي الصييفي حياك الله واسعدني هذا المرور لاهنت ياغالي والله يعين اخوك على هالذيب المفترس مره معطاني فرصه لين اعيد الله يطول عمره ابو مشاري والله يعين ويساعد والله نبي نبذل الجهد والباقي على الله

اما يجيك القوش يرجح بنوماس = والا عليه الطير يامسندي حام

اعجبتني في علومك كلها كلها -- والكلمه الطيبه خابرك متزلها --
من اجل هذا اعز الناس وارسلها-- وسنه الله تمضي في العرب من سنين

سميت بسم الله فول رميتي يوم رميت --والبندقيه حسب ماقالو علا نيشانها
ليا لقيت معزبي ضمنت ابلقي لي مبيت--وانته وانا في الشجره اللي سابحات افنانها

شكرا علا تشجيعك اخوي الصيفي وانت ومضحي عوارف ولا نلحق معكم شي

	المشاركة الأصلية كتبت بواسطة ابومشاري

	اعجبتني في علومك كلها كلها -- والكلمه الطيبه خابرك متزلها -- من اجل هذا اعز الناس وارسلها-- وسنه الله تمضي في العرب من سنين سميت بسم الله فول رميتي يوم رميت --والبندقيه حسب ماقالو علا نيشانها ليا لقيت معزبي ضمنت ابلقي لي مبيت--وانته وانا في الشجره اللي سابحات افنانها شكرا علا تشجيعك اخوي الصيفي وانت ومضحي عوارف ولا نلحق معكم شي

لاهنت يابومشاري يالسنافي تدوم=وحياك وابقاك بين محطمين الرقوم
ياراس حربة دفاع وفيه ميلة هجوم=وسنه الله تمضي في العرب من سنين

دامك نويت ا لطيبه اقول للجزله سعيت=بندقك ماتخطي الهدف ليا حكمت اوزانها
جود اساسات البناء للبيت لامنك بنيت=العز في ظل البيوت اللي صحاح اركانها

ياصاحبي مضحي ابا قول دام البقاء ** وفي ملتقي حرب والشاشات زان القاء
واصحي ترانا نغير هقوه اللي هقاء** وسنه الله تمضي في العرب من سنين

انا لها وانته لها وانا علا الخيل اعتليت** واسمع صهيل الخيل يوم الخيل في ميدانها
حربي وابا سمعك في صوت العزاوي لاعتزيت** واقلط علا القاله وافرقها تحت ربانها

	المشاركة الأصلية كتبت بواسطة ابومشاري

	ياصاحبي مضحي ابا قول دام البقاء ** وفي ملتقي حرب والشاشات زان القاء واصحي ترانا نغير هقوه اللي هقاء** وسنه الله تمضي في العرب من سنين انا لها وانته لها وانا علا الخيل اعتليت** واسمع صهيل الخيل يوم الخيل في ميدانها حربي وابا سمعك في صوت العزاوي لاعتزيت** واقلط علا القاله وافرقها تحت ربانها

ياخوي ماحد(ن) يردك دون طلعة كرا=والسوق للمتجر فالبيع والمشترا
عساء ابن عمي سوات الذيب لامن سرا=وسنه الله تمضي في العرب من سنين

حربي وابا سنعك يالصاحب لايامنك غديت=حذرا تطاوع نفسك اللي غرها شيطانها
ماني عدوك لك ولانت خصم لوكان انتخيت=والخيل لاهل الديره اللي مانت من سكانها

أبو مشاري أبو أحمد
صحت ألسنتكما وبيض الله وجهيكما
أمتعتمانا حقيقة بمحاورتكم الرائعة
في تلك الملحمة الأدبية التي سطرتماها لنا فهي تنم عن فكر واعي وراقي
تقبلا مروري وودي واحترامي

اخوي العزيز والغالي سالم البشري صح بدنك وطال عمرك شهادتك تاج فخر ونوماس توجتنا به لاهنت والابداع والجزاله تكمن بهذا المرور اللي شرفتنا به يابو وايل طال عمرك والله لايهينك سلمت ودمت وتقبل مني صادق ودي لشخصك الكريم