•√♥ ديـوان كسرات الشاعرة شُموخ الحربي ♥√•

*

*

{ حره بذاتي }

الحر ما يجالس ألا حر = ماتنثني دوم وقفاته
حره بذاتي ودمي مر = عند الغدر سم طعناته

..

*


*

{ تكفى تراها تهز رجال }

تكفى تراها تهز رجال = لا تتعب أرواحنا تكفى
يا غالي الحال بعدك مال = الحال ظاهر ولا يخفى
الحب له عام حاله حال = عفناه يوم المحب أقفى
ياما بحثت إل لقاك وصال = وانت الوطن والهجر منفى
ما أعذر بعادك ولا تحتال = لابد الأيام ما تصفى
كانك بهالحب منا ذال = القلب لك يالحبيب أوفى
والعشق يا سامعي قتال = قلب ٍ بلا حب مايدفى

..

*

*

{ صمود السـاس }

اللي على الساس ماينهـد=يصمد وتضرب به الأمثال
لكن إذا عاب ساس السـد=يسقط كِما يسقط التمثـال

..

*

*

{ قصور الشوق }

شموخ الحربي

البعـد دايـم يعنيـنـا=مانكتفي غير بالشوفي
والله لو هـو يخاوينـا=نشتاق والشوق مايوفي

سالم البشري

الـبـعـد اسـمــه يشـقـيـنـا=من سابق الوقت معروفي
وياليـت الاشـواق تكفينـا=لاحــل وتغـيـث ملهـوفـي

شموخ الحربي

ماعـاد باقـي صـبـر فيـنـا=تكفين يـا أرواحنـا روفـي
ما نـحـتـمـل زود يجـفـيـنـا=الدمع مضعف لنا الشوفي

*
*

{ عيب ٍ على الرجل يبكي }

شموخ الحربي

لاتحبس دموع مرهونـه=الدمع نعمه تزيل جـراح
لاتسمع اللـي يقولونـه="الرجل عيبه دموعه تباح"

بيان الصمت

للنفـس أســرار مكنـونـة=واللي زرع يملك المفتاح
والمرء مايملك حزوونـه=بالغصب دمعه لها فضاح

وحيد الجزيرة

ماتبكـي العـيـن مــن دونــه=الصد 0والهجر0 والارواح
والدمـع لـو بـان مضمـونـه=لاشك بعض العرب ترتـاح

الدبلوماسي

دمع الرجل داخل عيونـه=بيظل ساكن ولـو ماطـاح
وان كـان فعـلاً تعذرونـه=انسان يبكي على ما راح

*
*

{ من دار طيبة }

شموخ الحربي

من دار طيبه مساكن حرب=جتني مِن أحبابي برقيـه
تمر وحساوي وكلام ٍ ذرب=دعوات هِي خالصـه ليـه

بيان الصمت

طيبة هواها يزيل الكرب=وسكانها قلوبهـم حيـة
والخير منهم فسلم وحرب=ياتيك صافي على النيـة

*
*

{ الطب ماعاد ينفعني }

شموخ الحربي

ازريت أداوي جروح الحب=الطـب ماعـاد ينفعـنـي
ياليتنـي أستـدل الـدرب=اللي عن الحـب يمنعنـي

فواز الزويهري

ياهيه ياللي تمنى الطـب=أنا طبيبك علـى القنـي
حسب الأصول الدوا نكتب=من ود لاشـيء بيونـي

سامي البلادي

الحب قبلك طرقته شـب=أشقى فـوادي وضيعنـي
مار الدوا لاطلبت الـرب=باخلاص إن كنت تسمعني

*
*

{ قصة وفا }

شموخ الحربي

كـنـا و لـكـن زمـنّـا خـــان=يـوم ان ذا اليـوم مــا خـنّـا
أحباب نبكي على اللي كان=قصـة وفــا أبطالـهـا حـنّـا

فهد المخلفي

ماراح قفيه بالنسيـان=اليا متى النوح والونـا
ماكثر الله من الشجعان=اخذي جزيل الحكي منا

*

*

{ شايب كبر جدي الأول }

شموخ الحربي

شايـب كبـر جــدي الأول=عكـازتـه ثـالـث رجـولـه
بيـن النسـاء دوم يتـجـول=يمشي و لكَنّ أحد حولـه
عينه بحر وان نظر طـوّل=يا هول ذا الوضع يا هوله
ليت اكتفى من زمان أول=و فيما بقى يحسن فعوله

مضحي بن جمران

ايروع الذيـب ويهـول=والذيب ماهوعلى زولـه
اللي تطرف لـه يغـول=كم طاح بيديـه مغيولـه
واللي تجـول ومتهـول=يرتاح لايكْثـر الجولـه
كلٍ على الدرب متحـول=لو طول العمر وش طوله

شموخ الحربي

عله تعلّـت علـى علـه =ثم حاربت نوم جفن العين
خل ٍ توجّـد علـى خلـه =والخل ما بين حلم و بين

بخيتان البشري

الكل له فالهـوى ملـه=ماشي بها ماعرف لاوين
والخـل للخـل مايملـه=لاصار يعرف مداه لوين

شموخ الحربي

عقب السهر قلت بسـم الله=نصبر على الشين لجل الزين
و ان كان تعرفـه رح قلـه=حنا علـى صبرنـا باقيـن

بخيتان البشري

ياحرف يحكي وبرطنله=لاتشتكي دام مقتنعيـن
عطنا له إيميل ناصل له=يمكن نولف مابين اثنين

ــــــــــــــــــــــــــــــــــــــــــــــــــ ـــــــــــ

شموخ الحربي

عله تعلّـت علـى علـه = ثم حاربت نوم جفن العين
خل ٍ توجّـد علـى خلـه = والخل ما بين حلم و بين

طويق

جاك الدواء تو في حلـه=مصروف من عندنا يازين
مـا دام بالـود تاصـلـه=الان و الا تجـي بعديـن

شموخ الحربي

يا راعي الطب با شله =لو كان يذكر لنا بالصين
عله يفيد الحشا عله=دام اننا فالهوى ماشين

طويق

عنوان واضح ونرسله=والبيع بالنقد ما في دين
قدام يقبل و تقبله =من خوف لانعرفك بعدين

شموخ الحربي

الدين ما ناخذه لله=والنقد ذا ياصلك ذا الحين
و ان كان ما فادني والله=دعوة مجابه ليوم الدين