البارحـة فزيت مـع دقـة البـاب

البارحـة فزيت مـع دقـة البـاب=وفز الخفـوق اللي عن الود سـالي
أقبل شبيه الريـم من دون الأعتاب=ودارت مع المجمول صفـر الدلالي
أضمرت سري من وراء باب وضباب=وأنا لحـالي .. ياكفـا الله لحـالي
وهمَّيْت بآقطِّـع طويلات الأطنـاب=وآجيبهـا بيـن الوتـد والخـلالي
وراجن هواجيسي عطيبات الأنشاب=وهـز الضميـر الشامخات الطوالي
قال أُرْقب اللي معتلـى كـل مرقـاب=الواحـد المعبـود رب الجــلالـي
وهـز الفـؤاد اللي ليا غبت ما غـاب=ذاك الرقيب اللي على النـاس عالـي
وقلت انتهي يانفس .. تابعك وش جـاب=يا نِعْنُـبُ نفـسٍ تشيـل الثقـالـي
أنا عميلي خـالق الكـون ما هـاب=لا ذنب وديتـه ولا ذنب جـالـي
لا خفت من حيـة ولا خـاف من داب=ولا خفت من بعض النِّشب لو لحالي
أمشي على وضح النقاء وأحسب حساب=أحسب لميـلات الدهـر لو صفـالي
اليــوم أعــوِّد وآتقلَّـب تقِــلاَّب=وآخَلَّـي اليمنـى تعَـوَّد شمـالـي؟

شاعرنا القدير : لافي

صح لسانك و بيض الله وجهك

و مشكور على هذه القصيدة

صح لسانك اخوي لافي

بيض الله وجهك

جميل ما سطرته اناملك

وما خطه قلمك

فلا تحرمنا من روعة احساسك

وكرمك

صح لسانك اخوي لافي

بيض الله وجهك

صح لسانك اخوي الشاعر لافي

بيض الله وجهك

صح لساانك

وعلي شانك على الابيات الرائعه

صح لسانك وعلي شانك

الله يعطيك العافيه على القصيده الرائعه

بيض الله وجهك

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان