في حفل زفاف الشاب/محمد بن عبدالعزيز بن رحيم الصحفي

زومالة من الشاعر سرور بن بريك بن مبارك البشري و خوياه في زواج محمد بن عبدالعزيز بن رحيم الصحفي

الاوله

سلام ردية وفاء مكيالها فالوزن وافي
لأهل العلوم الغانمه وأهل القلوب اللي نظافي
اللي مواقفهم على وضح النقا دايم تشافي
قوم الشجاعه والكرم والطيب والزايد يزود

الثانيه

جينا نكمل ماعلى التكميل فالسلم اختلافي.
ونقول لك مبروك يامحمد عسى ايامك عوافي
الله عسى التوفيق فالك في حياتك يالسنافي
انته وربعك كل ابوكم ياعريبين الجدود

الرد
يا مرحبا بهل الكرم وأهل الشهامة والقوافي
اعداد من هلل وكبر واعتمر بالبيت طافي
الطيب فيكم والوفا بيّن ولا هو شي خافي
حنا معاكم صف واحد ما تفرقنا حدود

الثانية

نشرب من العد الغزير العذب طعمه شرب صافي
يوم الرحا دارت على من حولنا وحنا عوافي
لأجل الوطن يمشي واحدنا لو على الاشواك حافي
انتم وحنا لا دعا داعي الفدا صرنا جنود

صح لسانك زومالة رائعة
وبارك الله للعريس

صح بدنك والله يبارك فيك
تقبل تحيتي وتقديري