ياسيدي تسمح لنا بعض الأقوال

27-01-17, 02:48 PM

بسم الله الرحمن الرحيم

الناس تحرى رؤية هلال شوال=ليلة رمضان كمل علينا هلاله
وأنا أحترى من شوفته طلعت هلال=له بحتفال العيد أجمل أطلاله
أميرنا عساه من عمرهم طال=وفي طاعة الرحمن حسنت أعماله
ياسيدي مبروك عيدٍ عليك حال=من العايدين بفرحته وحتفاله
كل عام وأنت بخير ياطيب الفال=أجمل ماقاله من تشرف قباله
ويالله عسى شهرٍ تقفاه شوال=تقبل صيامه والصلاة في لياليه
تحسب لنا أجره في موازين الاعمال=على صيامه بالتمام وكماله
عسى يعود على الوطن حول وأحوال=في ظل حكمٍ زاده الله بساله
حكامنا اللي من سلالات الابطال=من المؤسس أحسن الله مآله
يستاهلون والله فوق رؤسنا تشال=قدر وفاء لمن عاشين بظلاله
وياسيدي تسمح لنا بعض الاقوال=عن ماسمعنا ضدنا من مقاله
عن ماتفوه فيه كافر ودجال=على وطنا اللي رفيعٍ جلاله
يحاول أظنه يلصق أحداث ماطال=شره بلدهم يوم ذاقوا وباله
يومه فرح باحداث الأرهاب ثم قال=هذا من الأسلام دون أستحاله
حاقد يدور له على الدين مدخال=وصدق وافق له زعيم الحثاله
أهل القلوب اللي مريضة وجهال=أهل الفتن والبلبه والظلاله
ماهي غريبة كان عدونا مال=هذا الذي يخطط عليه ونواله
مستهدف الأسلام أول ولازال=كم حملةٍ شرسة عدوه عباله
دين التسامح ينبذ العنف وقتال=وترويع خلق الله بأيات حاله
ماهمنا مهاترات بعض الارذال=كانه يدور شهرةٍ بفتعاله
خله يلعلع كنه السان دلال=هذا الذي يقدر عليه وسعاله
مانسمعه هو زوبعة وسط فنجال =أو سحب صيفٍ مقتفيها شماله
محدٍ بعون الله من المملكة نال=مدام على الله حفظنا وأتكاله
قوتنا اللي ثابته عبرالأجال=مصدرها قول الله ونص الرساله
حنا الوطن نفديه بالروح والمال=وفي دمنا وكل ماملكنا فداله
ومانشهد في وقتنا ذا بالإجمال=أجابته مقرونةٍ قي سؤاله
يرجع لامورٍ واضحة تشعل أشعال= منها على ماقيل يوم جاءمجاله
منها الديانة وحكمها قول وأفعال=كلٍ بشرع الله حقه يناله
منها ترابط شعبنا جيل وأجيال=عهد ووفاء لمولاي صاحب الجلاله
منها الأمن يوم أستبب طول الاميال=فضلٍ من الله وفطنةٍ في رجاله
منها ماتحظى فيه من دور فعال=المملكة بين الأمم بعتداله
مركز عظيم أن قالوا السين والدال=يبشر بعز منه معه وأرتكاله
منها العوايد والتقاليد الأزال=نخوة وكرم وحفظنا للاصاله
منها الوقوف ضد عيشة القمع وأذلال=اللي يمارسها العدو بحتلاله
وفيما تمده من أعانات وأموال=عطى كريمٍ مايدور بداله
من يجحد اللي جمالات وأفضال=ويأخذ بيد اللي على الناس عاله
لكن نشوف الامعه يهذل أهذال=ينقل ويسمع دون علم ودلاله
ودك مثل هذا يذوق طعم الإنكال=لينه يعرف أنه لسانه أعقاله
نطلب من اللي في يده علم الآجال=يحمي بلدنا من شرورٍتطاله
يحمي بلد فيه خيرة الخلق نزال=وبيتٍ عتيق يشد يمه أرحاله
وصلاة ربي عد ماشوهد هلال=وعداد مايبرق ويمطر خياله
على النبي وخيرة الخلق مرسال=المصطفى المبعوث بآخر رساله

محمـد بن مطر الفريدي