من دون غزة كل غالي يهونا = وقفة عرب يشهد بهاكل الاشهاد

غزة تنادي والعرب يسمعونا =- نادت بعال الصوت والصوت مافاد
تقول هبوا ياعرب وانقذونا = لاتتركونا تحت نيران الاحقاد
ترى الكفر باسلاحهم دمرونا = ولا عاد خلو بيت قايم بالاوتاد
كثرت ضحايانا ولا يرحمونا = مافرقوا بين الحراير والاولاد
نخيتكم بعد اليهود اذبحونا = واش عاد يبقى بعد فلذات الاكباد
تجمعوا لين انهم حاصرونا = من كل جانب ماعن الموت مشراد
كل احتياجات الحياة احرمونا = لاعندنا قوة ولا ما ولا زاد
هذا حصل يوم العرب ينظرونا = مافيه من نادى ومن صاح باجهاد
الى متى ياناس ماتنهضونا = وتذكرون المعتدي فعل الاجداد
اعداءنا ضحكو بعد فرقونا = واخذوا فلسطين العزيزة بالاقصاد
لو الاوائل بالنظر شاهدونا = قالو بعد متنا مايبقى لنا احفاد
ان كان ماقمنا سوى واعرفونا = ان وقفنا للمعادي بمرصاد
وقلنا لهم شدوا ولاتقربونا = ماعاد للكفار فالدار مقعاد
من دون غزة كل غالي يهونا = وقفة عرب يشهد بها كل الاشهاد
وهم لااجتمع شمل العرب يعلمونا= ان الله اعطانا على النصر ميعاد
من دون حرب اعداءنا غادرونا = خوفا من الماضي على الكفر ينعاد
ياهل الشيم قوموا ولا تخذلونا= اصحوا من النومة ولا فيه مرقاد
دم العرب فوار واش تحةرونا = باح الصبر والمسأ لة شمت الماد