( انا مقدر على بعدك ولا بنساك=واعرف انّك رغم ذلك بتنساني )

/
/
/
/
/
/
/
/
/
/
/
/

جفيت اللي تمنّا قربكم واغلاك=على كلّ البشر يادعج الاعياني
انا مقدر على بعدك ولا بنساك=واعرف انّك رغم ذلك بتنساني
عيوني ماتشوف من الحلا شرواك=في كلّ الارض ماغيرك بها اشقاني
وكنت امشي لجل ودّك لكسب ارضاك=ولا شفتك مثل مهواك تهواني
وغرّك فالزّمن حسنك يالين اطغاك=وتتبع من يجافيكم بهجراني
نحيل القدّ حض اللي كسب لاماك=جميل الخدّ يابو طرف نعساني
اكيد انّه يعيش السّعد في لقياك=ولا يشكي من الحرمان ماجاني
ليا منه بغاك تجيه لا ناداك=على سرع الثّواني جيت عجلاني
كذا حاله مهو حالي تعبت ابغاك=ولاكنّه محيّاكم ماحيّاني
والا ياعين لاتبكي على ماجاك=من الهجران والنّدمان خسراني

الشّاعر / خالد بن عبيد بن معتوق ألأحمدي