يبقى سلام الله لو الجرح ماطاب

تحية من القلب وسلام من الله ورحمه وبركه على القلوب الطاهره والنقيه

مصافحه اولى اتمنى ان تنال ولو شي من الرضا .



/






/

يالايمي وش عاد تبغا بعدها=الصمت ابلغ دامها بين الاصحاب
ولا العتب مطلوب مهما رصدها=ردار جزلين المواقف بلا حساب
عنها تشوم النفس تأبا رددها=للعز ودروبه مهاميه وذياب
خلك على هذي وهذي صددها=منته بكفوٍ لجل اشارهك بعتاب
شرهتك للي لو تمره عضدها=اما طلبك الحق ولا لها جاب
شرواك وامثالك نخلي عقدها=فرصه ونبغاها بعد قفلة الباب
ولا المجنن لابتلانا قردها=بلّاه ..؟ وش ينصف من ضعوف تغتاب !
يبغا يغلق مير يجهل سددها=هذا ليا حدّه طريقٍ بالاسباب
الوجه بارد والسوالف سردها=واخس والعن لاتعذر بالاكذاب
يزيد من حاله ودايم حصدها=مايعتبر رجلٍ خلا شيمة اعراب
اقولها بلسان منهو شهدها=حشا ولا والله تجنيت باسهاب
من داخل الواقع حروفي هددها=ندمح من القاصي اجل كيف الاقراب؟
لاشك ماشفنا حدٍ ينتقدها=اعلوم وافعالٍ ينوخ لها ركاب
يكفي هل المعروف كلمة قصدها=راع الخطا وينب عن دربها تاب
يمكن يجمل مايكمل لهدها=على اهون الاحوال لصدق طلاب
نقبل بصدق القول لو ماوجدها=يفرض علينا الشرع لاتاب نصاب
ماهو تناقض والدعاوي قندها=فكرٍ ليا حارت على الشرع ماخاب
دامه نطق تايب ولايعتمدها=يبقا سلام الله لو الجرح ماطاب

الله
الله..الله
ويا سلاأأأأأأأأأأأأأأأأأأأأم

ابداع يا ابن العم
والله يحييك بين اخوانك وربعك

وصح السانك وبيض الله وجهك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

حياك الله
وصح السانك وبيض الله وجهك

صــ لسانك ــــح ياسلطان وحياك الله دمت بخير

في ملتقى العز ملتقى قبيلة حرب الرسمي
حياك مولاك استاذنا وشاعرنا القدير
سلطان الحربي
نص ولا اروع
من كذا

صح السانك لاهنت

صح السانك وبيض الله وجهك ياسلطان على هذه التحفة الشعرية

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر
سلطان الحربي
صح لسانك وعتلا شانك

نص رايع صح لسانك