ذعذع نسيم الشرق والجو غايم

ذعذع نسيم الشرق والجو غايم=ودك السحـاب وقـام وبله يرشّا
الله وكـبـر ياهـبـوب النسـايم=جوّ ٍ لطيف وينعـش اللّي تمشّا
كـنه ربـيعٍ باالسـنين الـقدايم=وقتٍ مضى بيع الربا ماتـفـشّا
كـنّا صـغـار ولاعـلينا عـمـايـم=والبنت عشر اسنينها ماتغشّا
يوم الرجـل متحيزمٍ باللّزايـم=لامن طـراله مـاطـرا ماتـعـشّا
امّا جـهـم قـنّاص والاّ مهـايـم=في جادله مفتون والقـلب هـشّا
لذّه حياته مع افـجـوج الخرايم=من فوق عرماسٍ بعيدة معـشّا
قبل امتداد العولـمه والظـلايم=مافـيه بيـن الناس نـمّه وغـشّا
ياليـت للنّمام تعـطى قـسـايم=من شان بعروض البشر مايحشّا

التوقيع مساعد الجليدي

صح لسانك
يابو ماجد
قصيده جزله

كـنّا صـغـار ولاعـلينا عـمـايـم=والبنت عشر اسنينها ماتغشّا

يعني مثل هذولا ههههههههه




الله حسيبك يامساعد وين رجعتنا ههههه


ترا اللي يمين من الصورة سعد ههههه ابو طاقيه

صح السانك يا ابن العم وبيض الله وجهك

تقبل تحيات اخوك
ومزوحه

القصيده تهيض والصوره تهيض صح لسان الشاعر ومشكور اللي نزل الصوره تقبلو مروري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر/مساعد الجليدي صح السانك على هاﻷبيات التي فيها ذكريات الماضي الجميل.
ذكرتني بقصيده لي قبل خمس سنوات والقصيده طويله لكن بجيب لكم بيتين منها.
(ماهمني من راس ماله يعده ** يكفي من الدنيا شو ية مصار يف
وبكي زمانن فات ودي نرده ** وقت الوفاء والصدق قفى ولاشيف)
وتحياتي لكم ولجميع متصفحي ملتقى قبيلة حرب الرسمي.

صح السانك لاهنت

ولاهان منطوقك

الرااقي

سعد المحمدي
الف شكر لك على مرورك الجميل
دمت بخير وسعاده

الشاعر القدير مساعد الجليدي صح السانك على هالجزالة والابداع الله يعافيك

	المشاركة الأصلية كتبت بواسطة العطيب

	كـنّا صـغـار ولاعـلينا عـمـايـم=والبنت عشر اسنينها ماتغشّا يعني مثل هذولا ههههههههه الله حسيبك يامساعد وين رجعتنا ههههه ترا اللي يمين من الصورة سعد ههههه ابو طاقيه صح السانك يا ابن العم وبيض الله وجهك تقبل تحيات اخوك ومزوحه

الف شكر لك على مرورك الجميل
دمت بخير وسعاده