مـتى الاجـازه نسـج الرجل ياهادي

عـزالله انّي بلـشـت وطـال مقـعادي=بيـن الدفي والمـصانع والفـناتـيـري
والصدر ضايـق ونـار الهـم بـفوادي=به تشـتعـل مثـل نـيران الـدوافـيري
مـتى الاجـازه نسـج الرجل ياهادي=بارضٍ هـواها يـداعب للنّـواويري
باالديره اللّي شمال العرق والوادي=ياماحـلا بارضها نـشـر المغـاتـيري
ريحة نفلها تساوي ريحة الكادي=لافاح وقت الصباح وحزّة عصيري
بيت الشعر عزّها وتراث الاجدادي=كنّه ايصوّت الياشاف المساييري
واطنابه المبهمه في روس الاوتادي=تمسك اركونه وتكربها الغناديري
والوقت ماهو سريع وعندهم عادي=ماللحضاره على البدوان تاثيري
للعيد فرحه كبيره وقت الاعيادي=والجار له عندهم حشمه وتقديري
هاذي طراة الحياه وشوف الاجرادي=تسوا قصور المدينه والدنانيري

التوقيع مساعد الجليدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

مساعد الجليدي صح السانك. ودمت بخير....

صح السانك وبيض الله وجهك
قصيدة جزلة من شاعر جزل

صح لسانك بيض الله وجهك

صح بدنك لاهنت
ولاهان منطوقك

شعرنا القدير
الجليدي مساعد
نص راقي لاشك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

كل الشكر والتقدير لك على مرورك الجميل
دمت كما تحب

صح السانك وبيض الله وجهك
قصيدة جزلة من شاعر جزل