ياناشد(ن) للصيت .................

بسم الله الرحمن الرحيم

بديت بسم اللي خلق كل الاجناس=الواحد المعبود رب الأنامي
بسمه نضمت القاف نضم(ن) على ساس=موزون في حرفه ونضمه تمامي
مفصل(ن) تفصيل ما فيه تلباس=من فكر صافي اكتبه بلتزامي
وكل(ن) على نفسه فطين(ن) وقيّاس=والله حسيب الكل يوم القيامي
ياكم رجـال نشوفهـم شكـل ولبـاس=ثـم يتبـيّـن جـوهـره بالكـلامـي
يعطيـك لا شفتـه عذيبـات الانفـاس=واليا اختلا يطلـق سمـوم السهامـي
مغرور فـي طبعـه وحظّـه بالتعـاس=فيـه الجهالـه ساكـنـه بنتظـامـي
ومن سلّم بفكره لشيطان خنّاس = ما ينفعه طب البشر والحجامي
يمسي على دسّ البلايا بوسواس=وعينه ملاها بالحسد والحرامي
ومن غشّ نفسه يقضي العمر بحباس =يسكن باوهامه بوسط الضلامي
ومن عاش بالحيله تقاذفه الاضراس=يفضحه رب الكون لو بعد عامي
ياناشد(ن) للصيت من دون مقياس= الصيت ماهو بالحقد والخصامي
ولا هو بتفضيلك بناس(ن) على ناس=ولاهو بالمعافر وكسر العظامي
والصيت ماهو بالدنانير ينداس=ولو كان سلعه لشتروه الرخامي
الصيت ينشد له رجاجيل فرّاس=أفعالهم وقت اللقاء والزحامي
لا هبّت الفزعه تقل طير قرناس=يتعب على وصل الرجال الحشامي
في واجبه ما يحسب حساب الافلاس=يوفي مع الوافي ولو بات ضامي
والصيت في طيب النوايا والاحساس=وتلقاه في حسن الخلق والوئامي
مومن بربه مالفى قلبه الياس=متمسك(ن) بالدين صلى وصامي
متواضع (ن) في عزة النفس بقياس=وفيه الكرم والجود صاب المرامي
في شوفته واضح ولافيه هوجاس=يمشي على وضح النقاء ما يضامي
هذي صفات اللي له الصيت نوماس= في قربهم تبرا الجروح السقامي
وصلاة ربي عدّ ما صلّت أجناس =على نبي الله محمد سلامي

ناصر بن مصلح الاحمدي

تسجيل تواجد في منبر الجزاله
صح لساانكـ
بيض الله وجهك

صح السانك لاهنت
ولاهان ابداعك

الرااقي

صح لسانك يابو مشاري
وعزّ الله انّه قصيده فالصميم

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك ووجهك ابيض

شكرا لمرورك العطر وكلامك الجميل

	المشاركة الأصلية كتبت بواسطة الكحيلة

	صح السانك لاهنت ولاهان ابداعك الرااقي

صح بدنك وسلمتي كلك

شكرا لمرورك العطر وكلامك الجميل

	المشاركة الأصلية كتبت بواسطة صقر المراقيب

	صح لسانك يابو مشاري وعزّ الله انّه قصيده فالصميم

صح بدنك ابو عبيد وسلمت كلك

شكرا لمرورك العطر وكلامك الجميل

	المشاركة الأصلية كتبت بواسطة عواد الظاهري

[/table1]

	[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]		[table1="width:65%;background-color:black;border:4px solid orangered;"]	صح لسانك كلماتك غايه في الروعه أحييك على هذا البوح المتميز دمت ودام شعرك وبوحك 0 0	[/table1]

صح بدنك والروعه هو مرورك يابن العم
وكلك ذوق طال عمرك
شكرا لمرورك العطر وكلامك الجميل