عنابر اجواد العرب روسها تبين

السلام عليكم ورحمة الله يسعدني ويشرفني شكر ابن العم /
فهد بن مخيمر السليمي
والاشادة به بيض الله وجهه راع الحموه جمل الله حاله

ما هي غـــريــبه يا حـفـيـد الميامين = عـاداتـكـم يا الولّـد كسب الجـزيله
عنابر اجواد(ن)عـلى الطيب ضارين = طـيـبـك ما يستـنـكـر ولاهي قـليله
كفيت يا ذخــر الــرجـــال العريـبـيـن = ووفيت يا لوافـي زبون الجميله
الله يـبـيــض يا لسـلـيـمـي قـل اميـن = وجهك يابن مخيمر عـريـب السلـيله
ذكّرت هل التـيجان يا لحـر بأمـريــن = معـنـى الحـمـوه يا فـهــد با لقبيله
ومعـنى اللـــوازم لهـا رجـال وفيـين = عـبـر الـزمـن مـن كل بـد وفصيله
من يبذل المجهود يحرم على الشين = صـنـايــع المعروف ديـن وفضيله
مالـي ورى المجهـود مطـالب وديـن = بغض النظر يا باذله عن حصيله
قـل للي شح بجهـده المنـطـق الـزين = اضعف ترى الايمان واقل حيله
عنابـر اجـواد العـرب روسهـا تبـيـن = لو الطريق يضيق تلقى وسيله
حي والله ابو مجناك مجنا العزيزيـن = اهل العلوم الغانمه والشكيله
يا بن الرجـال اللي بعـصـر الاكاوين = بالبدع كفوهم بحد الصقيله
يــوم بـهـا نـاقـي زبــون المخـلـيــن = يكفهم كفى القطا للثميله
نعـم بجـمـيـع الـولّـد وابـذكــر اثنين = وفعل(ن) ينومسنا قليل(ن) مثيله
يوم صبح البل يا لسـليـمي عقيديـن = وزاحوها بغيبة محتمين الدبيله
لا حـقـينها الاثـنـيـن بين الصلاتـين = ورادينها ومخلين سرج الاصيله
من شـيـخ(ن) مسـمى يـضـد المعـاديـن = طشوه ربعك كاسبين النفيله
شكـرتـك وذكـرت عـنهـم عـنـاويـن = لتاريخ(ن) ابيض زاخر بالجليله
ما هـي حصر يا فـهـد والا تخـاميـن = لا والله فعول عليها الدليله

تركي بن مرزوق العوفي

تسجيل تواجد في منبر الجزاله
صح لساانكـ
بيض الله وجهك

صح لسانك يابوفيصل

الشاعر مرزوق العوفي
صح لسانك وعتلا شانك
قصيده جزله برجل راعي وفى ويستاهل الطيب وانت يابن العم
تستاهل الطيب
الله يبيض وجيهكم الجميع

والنعم بالجميع
صح الله السانك
لاهنت

الشاعر/تركي العوفي صح السانك وبيض الله وجهك وابن مخيمر كفو ويستاهل هو وربعه ولد سليم ونعم بالجميع.
تحياتي ودمتم سالمين.

صح لسانك ونعم فيك وببن مخيمر

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

مرحبا بك
صح بدنك وصفى زمنك

ما عليك زود
بياض الوجه كاسيك

شرفتني بمرورك المشكور

	المشاركة الأصلية كتبت بواسطة ابوهليل

	صح لسانك يابوفيصل

هلا وغلا

حياك الله يابو هليل

صح بدنك وصفى زمنك

شرفتني بمرورك المشكور