طعنة الجوف

السلام عليكم ورحمة الله
اسعد الله مساء الجميع بكل خير ،

قصيده من آخر ماكتبت ، وهي تعبر عن نفسها ..

آمل ان ترتقي لذائقة الجميع وتنال الاستحسان .

النظره اللي عقبة طعنة الجوف = مبطي وباقي مابرى الجوف منها
حيه وكن عيوني تشوفها شوف = وابعد عن التركيز واصد عنها
راس الطويله مره العصر شاحوف= صوب المفالي والمطالب مكنها
يوم الحباري كلها حافها حوف = عينه على ذيّه والاخرى زبنها
ماباقي إلا يلوفهن بالوطن لوف = لكن خسر له حاجة ٍ كد ضمنها
بين السماء والارض طاير ومخفوف = والارض بيضاء والمطر ماودنها
مااحد ٍ يخيل بروق في جوف عاصوف = والناس يعرف سرها من علنها
للناس روس وفي يمانيهم سيوف = مير السلامه وابتعد عن ضعنها
وإلا ترى بدرك مع الليل مخسوف = حتى نجومك غيبتك ماحزنها
ماكل مره يسلم العمر وتطوف = إن كان نفسك مامسكها رسنها
درب الخطا معروف والصح معروف = والفرق واضح في خطاها وحسنها
وانا كتمت السر ماهو بمكشوف = بين الضلوع العوج قلبي دفنها
ومن خوف لاتثّر على كل سرجوف = دفنت نسختها على الاوف وانها
فيها سليم العين لو شاف مكفوف = على الوحي يمشي بها ماوزنها
ماأخفيتها لأجله بها غير مكلوف = مير بوطن عنها وهي بوطنها
مالي سوى اصبر والصبر دوم مخلوف = روحي لعل الله يعافي بدنها

وسلامتكم جميعاً ..


سيف الهويملي .,

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

إبداع من شااااعر الابداع
ولايستغرب هذا الابداع من شاعر بحجمك
وموهبتك الشعرية .... صح لسانك ملايين
وتقبل تحياتي

صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح السانك لاهنت
ولاهان منطوقك الرااقي

أخي/سيف
صح لسانك الله يعطيك العافية
قصيدة رائعة ومميزة
مبدع ومتمييز كما عودتنا
على الابداع لله درك
اسجل اعجابي
تحياتي

حضوركم اضاف للقصيده جمال ورونق

صح ابدانكم وبيض الله وجيهكم على الحضور

والمشاركه ،

صح لسااااانك مليووون وبيض الله وجهك

قصيدة جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي