يانجم ياللي في سما الكون وضاح؟............................................

يانجم ياللي في سما الكون وضاح=سلم على المضنون دامك تمره
قله ترا برق الغلا يمكم لاح=تمطر مزونه بالغلا والمسره
اشتاقله والشوق يانجم فضاح=لو ماتكلم صاحبه باح سره
تقرا تعابيره بلا هرج وافصاح=تفضح خفاه دموع شوقٍ يجره
إن مالقيته تلتقي منا الاروح=روحي تزوره كل يوم بمقره
متوشحه وده على قلبي وشاح=اخلص وفاه ومد مكنون دره
لوراح عمري فدوته يوم لو راح=مانساه لين الجدي يصبح مجره
والابل تاخذ من عطارد لها مراح=ترع حماه ولاشكت جور حره
كن المطر في تربته تو ماطاح=نجمٍ لهيب الشمس يزيد حره
وانا فؤادي من غلا وشوق بي فاح=فوحة دلالٍ جنب جمرٍ تكره
ريح الشمال الي تلفح تلفاح=مره يسار ومره ايمين مره
واللي مركبهن يلوح بملواح=مشغول عنهن يم طيره وحره
قبل المغيب وخايف الطير لاراح=يمسيه ليل ويفتقد منه جره
يانجم ياللي في سما الكون وضاح=سلم على المضنون دامك تمره

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

قصيدة رائعة ياكحيله حرب صح لسانك

الكحيله صح لسانك
ودام عطاك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت
ولاهان حضورك

نص جميل وممتاز وقصيدة سلسه بأبيات منسقه من شاعره متمكنه لاشك

صح لسانك اختنا وشاعرتنا القديره

وأستحقيتي التميز بكل جداره

تحياتي

كل الشكر لكل من شرفنا حضوره
مجرد زيارتكم تشرفنا ومحل اهتمامنا

	المشاركة الأصلية كتبت بواسطة بخيتان البشري

	قصيدة رائعة ياكحيله حرب صح لسانك

صح بدنك لاهنت
مراقبنا وشاعرنا القدير
بخيتان البشري
ولاهان حضورك

صح الله لسانك
ولاهنتي
وسلم فكرك وبنانك
دمتي برعاية الله وحفظة

نص جميل وممتاز وقصيدة سلسه بأبيات منسقه من شاعره متمكنه لاشك

صح لسانك اختنا وشاعرتنا القديره

وأستحقيتي التميز بكل جداره

تحياتي