البارحة والنجم في غيهب الجو

البارحة والنجم في غيهب الجو = يتبع مداره في غياهيب جواّ
بدعت لي قافٍ على جذوة الضّو = كنه يفصّل من لواهيب ضواّ
دق الضمير وقال لي للزمن سو = شعرٍ على حروف الفواصل ايسواّ
وزهمت مطروقٍ مثل ديمة النو = نوٍّ على نوٍّ تقفاه نواّ
الله على اللي من حفيزه لفا تو = توه وصل من يمت الشرق تواّ
ربان غراء سيلها يرهج الدو = سهاب نهابٍ على كل دواّ
ياهيه ياللي فوق كشنه تساوو = الله يجنّب دربكم كل سواّ
سوقوه لين الليل يبرد ويحلو = في روضةٍ من زاهي النبت حواّ
مرّوا على وقع السحاب وتروّوا = من مر في وقع السحاب ايترواّ
كم قبلكم في قمّة المجد حلّوا = قومٍ بهم لو يقسي الوقت قواّ
حليب وضحٍ ضيّروهن على بو = ثلاث درّتهن على جلد بواّ
ماكنهم في صفحة الأرض مرّوا = على طريقٍ للوفاء والمرواّ
يما على عسر الليالي تخاووا = وحلّوا عقودٍ كالحديد المطواّ
طابوا وحجّة طيبهم ماتورّوا = علم على وضح النقاء مايلواّ
بحضورهم تقرءا الصراحة الياجوا = وبغيابهم شيمة وقدر وسمواّ

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

سوقوه لين الليل يبرد ويحلو = في روضةٍ من زاهي النبت حواّ
بيت يفوح بعبق الماضي الجميل ياخذنا خارج
حدود العولمة والحضارة حيث الاصالة
لاغرابة الابداع من اهله
صح السانك لاهنت
شاعرنا
القدير

هكذا الشعر
صح لسانك على القصيدة القوية

الشاعر الكبير
نافع الحربي
صح لسان وعتلا شانك
شاعر جزل الله يبيض وجهك

استمتعت بما قرات
قلت فاجزلت صح لسانك

يااااااااااسلام عليك
الف الف صح السااااااااااااااااااانك وبيض الله وجهك
ابدعت في هذه الابيااااااااااات الرااااااائعه
تحياتي

	المشاركة الأصلية كتبت بواسطة رابح الجحدلي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

الأخ رابح الجحدلي
صح بدنك ووجهك ابيض
لك تقديري واحترامي

	المشاركة الأصلية كتبت بواسطة الكحيلة

	سوقوه لين الليل يبرد ويحلو = في روضةٍ من زاهي النبت حواّ بيت يفوح بعبق الماضي الجميل ياخذنا خارج حدود العولمة والحضارة حيث الاصالة لاغرابة الابداع من اهله صح السانك لاهنت شاعرنا القدير

شاعرتنا الموقرة الكحيلة
صح بدنك لاهنتي على مرورك وتعليقك
الراقي :

صح الله لسانك
ولاهنت
وسلم فكرك وبنانك
دمت برعاية الله وحفظة