سعد عبدالله لازال خلف القضبان...نايف بن مياس

السلام عليكم ورحمة الله وبركاته
نشرة قبل ايام قصيده بعنوان(سعد عبدالله يناشد اهل الخير) للشاعر المسجون سعد عبدالله الفريدي يناشد قبيلته للوقوف معه فما كان من المشرفين الا نقلها لمنتدى اخبار القبيله هل هي خبر ام قصيده لأحد ابناء القبيله هل هذي مساعدته وبعدين لم اتلقى اي رساله تخبرني بنقل القصيده وهاهوا الشاعر يوجه قصيده للشاعر الاعلامي رشيد محمد الفريدي لنشر معاناته بعد ان غيبها من غيبها
هذي القصيده السابقه

مزن القوافي لاح فـي مقدمـه ضـوح=ضـوح البـروق اللـي تلاعـج لعـاجـي
ليـن اشتعـل صـدر بــه العـبـرة تـفـوح=مـــن واهـــج بـيــن المعـالـيـق لاجــــي
اليـا ضمـدت جــروح تنـقـض جــروح=صـــــارع الايــــــام مـــيّـــس وراجــــــي
يـا ليـن جرحـي صــار بـيّـن ومفـتـوح=يــنــزف صــــداه ولا تــوفــر عــلاجـــي
واليوم وجهي من عنا الوقت ملفوح=لفحـة سمـوم النـار فـي خـد صـاجـي
دارت سنة في مسكن الغبن مطروح=وهمـي مخـيّـم مـثـل هضـبـة سـواجـي
والعـيـد حــل وغـــرد الـــورق بـالــدوح=وأنـــا بـدوحــة مـحـكـمـات الـسـيـاجـي
ولا يبتسـم فـي فرحـة العيـد مـجـروح=الله يــعــجـــل فــرحــتـــي وابــتــهــاجــي
دعـوة علـيـل صابـتـه عـيـن مشـفـوح=يـرجـي لـهـا مــن عـنـد ربــه مـنـاجـي
ويسوق من باب الكرم رزق ممنوح=يـنـقـاد مـــن عـنــد الـكـريـم انـفـراجــي
ولا شحـت الدنيـا علـى كـل مصـلـوح=وزادت وهــــج هـــــم يـعــكــر مــزاجـــي
لــي هـقـوة فــي لابـتـي تبـعـد الـشـوح=لـعـلـهـم يـنــهــون مـســعــى خــراجـــي
ولا عشت فيما بينهـم قاصـر شبـوح=ولاني مضيّـع صيدتـي فـي عجاجـي
أنــــا ولــــد عــــود رهــــاوي وزحـــــزوح=اليـا كبـرت القـالات مطلـق حجـاجـي
يـدحـم بـقـوة جـنـب لــو يفـقـد الــروح=لا حــل فــي قـلـب الـرعـاع ارتجـاجـي
مـــرددن مـــا بـيــن سـالــم ومــســروح=قـطـاعــة الـفـرجــة فــهـــود الــزراجـــي
لـــي لابـــة بالمـرجـلـة تـبـعـد الـشــوح=وحصون من جـور الزمـان وملاجـي
تاريخهم في ماضي الوقـت مشـروح=بــســلال ورجــــال تـــــدك الـمـحـاجــي
يــوم الـدخـن بـيـن القبالـيـن مـقــدوح=من روس قطمن فيهن الموت لاجي
ما هي سوالـف ليـل مـن بكـرة تـروح=تــــــروح لا زاح الـــظـــلام انــبــلاجـــي
وتـم الكـلام اللـي مـن الــروح لـلـروح=تـعـبـيـر قــصــة غـربـتــي وانـزعــاجــي

هذي القصيده الموجهه للشاعر رشيد الفريدي بعد ان ضاقت به السبل

يـارب تفـرج لــي مــن الـهـم والضـيـق=والـمـنــزل الــلــي مــــا يـحـبــه نـزيــلــه
ســـرداب هـــم وغـــم وأشــبــاح تــويـق=راحـــت بـــه عـقــول الـعــوارف هبـيـلـه
مـا فيـه مـا يشـرح صـدور المخالـيـق=الا مـــــع الـهـجـعــة صـــــلاة الـنـفـيـلـه
وخلـوه مـع الخالـق وصحـوة وتدقـيـق=ومـحـاسـبـة نــفــس بـأمـلـهـا طـويــلــه
أذوق مـــن طـعــم الـسـعــادة تـرامـيــق=الـيـا دعـيـت اطـلـب مــن الله فضـيـلـه
لـو كـان همـي كـبـر أبـانـات وطـويـق=وعجـزت عـضـودي لا تشـيـل الثقيـلـه
شلـفـا الـزمـان الـلـي تـفــك المعـالـيـق=جــرت عـلـيّ مــن الـسـوالـف سحـيـلـه
وقامت تصـب مـن البـلاوي مصاليـق=والـحــال مـــن صـكــات بـقـعـا نـحـيـلـه
وتـمـزقــت مــصــادر الـخــيــر تـمـزيــق=وتــاهــت مـنـاهـيـج الـحــيــاة الـبـديـلــه
والمشكـلـة صــارت بوجـهـي مغـالـيـق=كــل الـــدروب الـلــي سلـكـهـا الدلـيـلـه
والـحـلــم مــــات وكـفــنــوه الـمـطـافـيـق=وحطـيـت لــه فــوق النصـايـب نثـيـلـه
ولا صـــار للنـكـبـات طـــرق ومـزالـيـق=مـا فيـه أمـان مـن الظـروف المهيـلـه
والـهـم طــال وحــرّق الـقـلـب تـحـريـق=والـصـبـر راح ولا بـقــى لــــي وسـيـلــه
الا الـنــوادر مــــع ســمــان الـطـواريــق=تجلـي عــن المشـحـون جـمـرة غليـلـه
وأسنـدتـهـا لـرشـيـد شـيــخ المـطـالـيـق=شــاعــر وتجـمـعـنـا حــقــوق وقـبـيـلــه
ومن لايعه سم الهبايـب علـى الريـق=عــد الـــروى يـــروي ظـمــاه وصمـيـلـه
وصـدور عكـفـان الـشـوارب صنـاديـق=يمـوت فيهـا السـر مــا أخـلـف مقيـلـه
ومن صدّر السلعة على غير تسويق=كـنــه عــلــى خـيـبــر يــطــوف بـزبـيـلـه
وجـاك الكـلام اللـي بحكمـه وتنسـيـق=الــطـــرق واضـــــح والـعــبــاره جـمـيـلــه
سلـمـتـهـا شــاعـــر ونــاقـــد وذويـــــق=وغــلــفــت مـعـنــاهــا وقــلــبــه دلــيــلـــه

للمساعدة والاستفسار :
الوكيل الشرعي ابو فهد : 0547784881

عزيزي

نايف بن مياس الفريدي

لا ادري ماذا اقول ؟

الحقيقة قرأت القصيدة الأولى وتمنيت أني لم أقرأها ,ليس عيباً بالقصيدة ولابشاعرها ..

ولكن لإن كل من يقرأ هاتين القصديدتين تقوم عليه الحجه هذا إذا كان لديه ذرة نخوه وحميه ..

الله يفك اسره ويفرج همه وأشكرك جزيل الشكر على إيصال صوته

يعلم الله لانملك إلا ان نوصل صوته عبر المنتديات

وأهيب بالإدارة الكريمة بوضع بنر إعلاني لموضوعك

شاكر ومقدر

¨°o.O ( ×××××××) O.o°¨

صح لسانك مليون على الرد الوافي
وماقول ولا ازيد على كلام اخوي فهد إبن فضيل
والله يـعـطـيـك الـعـافيـــــــــــة
بيض الله وجهك

تكفون ياحرب
رجالكم لاتخلونه بالسجن الفزعه الفزعه
ياربعي

اخي نايف الفريدي
مشكور على طرح القصائد لكن قولة صح لسان القائل والناقل والله يهون مصيبته
لاتكفي نعم الدعاء والتذرع لله واجب لكن على سبيل المثال حنا في الملتقى عدد كبير من أبناء القبيله
لو كل واحد منا دفع 100 ريال تجمع مبلغ كبير وانا أقول 100 حتى كل واحد يقدر عليها ومن زاد يلقاه عند ربه اقترح ان يعمل رقم حساب لشخص معروف وموثوق به ويتم الايداع على هذا الحساب
لمدة شهر ثم يعلن صاحب الحساب كم المبلغ ويكلف معه من نراه كفو لذلك ويسلم المبلغ في يد اخونا سعد عبدالله الفريدي شخصي او القاضي اللي عنده القضيه اتمنا من الاخوان تبني الفكره

الاوله السلام عليكم ورحمة الله وبركاته


والثانيه الله يفك دين سعد عبدالله الفريدي ولد عمنا من السجن


والثالثه يا نايف بن مياس المفروض ان كل شخص بالملتقي يدفع مبلغ محدد ويكون الدفع جــبري ونعلبو راس ما فيه حميه

وحدد المبلغ ونزل رقم الحساب واعتبرني اول الناس ... وهذا اقل شي نقدمه لحد ابناء قبيلة حرب حرابة الدووول

واتمني الاسراع لفك اسرره .. واي حربي يدخل هنا يقوول يا حرب لا تخلون الفريدي ابشرك حرب ما درت عنه اول بدون زعل الرجال الصامل يدخل ويتقدم بين الرياجيل ولا لا يرد علي الموضوع من اساسه لانه ماهو اول موضوع اشوفه دابل كبدي كل موضوع تكفون يا حرب وحرب ما تسوي شي اما يتقدم لها رجال من رياجيل حرب ويدفع الدين
ويتم ارجاعه له ولا علي كل فرد دفع مبلغ معين ...

واعذروني علي الصراحه يا حرب مير يد وحده ما تصفق وودنا نساهم كلنا

مـــــــــــرددن مـــــــــــا بـــــيــــــن ســـــالــــــم ومــــــســــــروح
قــــطــــاعـــــة الــــفــــرجـــــة فــــــهـــــــود الــــــزراجـــــــي
لــــــــــي لابــــــــــة بــالــمــرجــلــة تـــبــــعــــد الـــــشــــــوح
وحصـون مـن جـور الـزمـان ومـلاجـي
تاريخـهـم فــي مـاضـي الـوقـت مـشــروح
بــــــســـــــلال ورجـــــــــــــال تــــــــــــــدك الـــمـــحــــاجــــي
يـــــــــوم الــــدخـــــن بـــــيـــــن الــقــبــالــيــن مـــــقـــــدوح
من روس قطمن فيهن الموت لاجي
مــا هـــي سـوالــف لـيــل مـــن بـكــرة تـــروح
تــــــــــــــــــروح لا زاح الـــــــــظـــــــــلام انــــــبــــــلاجــــــي
وتــــم الــكــلام الــلـــي مـــــن الـــــروح لــلـــروح
تـــعـــبـــيـــر قــــــصـــــــة غــــربــــتـــــي وانــــزعــــاجـــــي


ابشر ابشر يالفريدي

اطالب الاداره بالمساهمه الفوريه وابدا اللازم

تكفون يا حرب الحربي ما ينضام تالي وقته علشان وسخ دنيا

قوموا فزو كل واحد ع حيله وفزعوا

والله ماعندي زود على كلام الاخوان الافاضل الذي سبق
واقتراحاتهم طيبة ولاكن هل وصل موضوعه لاحد من رجال
الاعمال بالقبيلة ففيه منهم من يستطيع ولو عن طريق علاقاته
إن ياتي بحل مادام الوضع دين بقي إن اقول اللهم فك اسره ويسر
امره وسهل له من يسدد عنه إنك كريم عليم بحاله وحالنا إنك قادر
على ذلك

	المشاركة الأصلية كتبت بواسطة سعد المحمدي

	اخي نايف الفريدي مشكور على طرح القصائد لكن قولة صح لسان القائل والناقل والله يهون مصيبته لاتكفي نعم الدعاء والتذرع لله واجب لكن على سبيل المثال حنا في الملتقى عدد كبير من أبناء القبيله لو كل واحد منا دفع 100 ريال تجمع مبلغ كبير وانا أقول 100 حتى كل واحد يقدر عليها ومن زاد يلقاه عند ربه اقترح ان يعمل رقم حساب لشخص معروف وموثوق به ويتم الايداع على هذا الحساب لمدة شهر ثم يعلن صاحب الحساب كم المبلغ ويكلف معه من نراه كفو لذلك ويسلم المبلغ في يد اخونا سعد عبدالله الفريدي شخصي او القاضي اللي عنده القضيه اتمنا من الاخوان تبني الفكره

الله يسهّل امره ويفرج همه وأشكرك يانايف جزيل الشكر على إيصال صوت اخونا سعد عبدالله
والشكر موصول لجميع من تفاعل مع موضوع سعد عبدالله الفريدي

ومثل قال اخونا طلال من يقرأ هاتين القصديدتين تقوم عليه الحجه هذا إذا كان لديه ذرة نخوه وحميه

وباأذن الله عن قريب نشوف سعد بين ربعه وخوانه مسرور البال
دمتم جميعاً بخير وسعاده

الله يفك اسره ويفرج همه ومشكور شاعرنا القدير
على إيصال صوته
وحساب موحد حتى يستطيع الجميع المشاركة
وحرب هم اهل النخوة