( لو كان بالاحلام مامات صدّام )...مساجله مع القدير / جميل بن حميدان ( السور العضيم )

/
/
/
/
/
/
/
/
/
/
/
/
/
/

بدع الشّاعر/ خالد بن عبيد بن معتوق ألأحمدي=
اطرد ورى رزقي وانا احضاب همّام=وعفت الوضايف عيفتـي لتّجـاره
خضنا تجاربنا على عـزّ واسـلام=ابغى حلال الـرّزق مبغـى غبـاره
ساعة دخلت السّوق وفخشمي اعرام=وانا اسمع اهل السّوق تذكر عباره
سوق التّجاره بشّطاره لـه انظـام=قالوا شطـاره ماانفعتنـي شطـاره
فمحل في شارع يسمّونـه احـزام=شرق المدينه مرتفـع بـه عقـاره
روّح كفاحـي بعـد طـوّل بالايّـام=مثل الـذي فالجـوّ فـارق مطـاره
وبعت المحلّ اللي على الِشّارع العام=ابغى استفيد بواحد ٍ وسـط حـاره
كثرت خسايرنا عسى الخيـر قـدّام=والاجودي ماهو محسّـب خسـاره
وياصاحب انعدّه من ارجـال فهّـام=يرتاح منهـو شـاوره واستشـاره
اما تجيب الشّـور بالحـضّ لانـام=ولا شكيت الحـضّ عنـد الامـاره
وانا اعرف الـرّزاق ماهـو بظـلاّم=لاكني افضّفض لكـم مـن مـراره
يالله تقيم الحـضّ والحـضّ لاقـام=ماهـو بطايـح لابنينـا العـمـاره
ردّ الشّاعر / جميل بن حميدان المزروعي=
اطرد ورى رزقك ولا ظن تنـلام=لابد من يوم الـك منـّه زيـارة
واعرف ترى الدنيا مقادير واقسام=ولاحد ٍ بها ياخذ مقاسيم جـارة
لابـد تتحقق لـك فيـوم الاحـلام=ويجيك بعد الشّح بحـر الغـزارة
واحذر تعيش اللي بقالك بالاوهام=ترى الوهم راعيه سهل انكسـارة
ولاّ الحياة ايـام وايـام وايـام=والحر يفهمهـا بلمـح الاشـارة
خل النظر ياصاحبـي دوم قـدام=والرجل مايطفي عن الضيف نارة
ولا كل ما فالسّوق ياخوك ينسام=بعض الذي فالسّوق مثل السجارة
وانت صقر والصقر ياصقر لاحام=دسّم مخاليبـة بصيـده جـدارة
لو كان بالاحلام مامـات صـدام=يوم العدو بالفعـل قـوّم جـدارة
الحضّ مايرخي عزومك ياضرغـام=ولاخاب من مثلي وانا اخوك جاره
لن كان في مشكلتك لمدّي اسهام=ابشر بمن مـدّه لمثلـك بشـارة
قول وفعل ماهي دعايات واعـلام=والرجل من يمناه تصفق يسـارة