انا وين ياسلطان والجيل هاذا وين

سلام عليكم قصيدة موجهه من الشاعر الكبير حرباش حمود البدراني

سقى الله لليال العز ومرافق الصافين=صفاوة غلا واخلاص ماهو غلا محتال
كلامه عسل والا نوايه وحل وطين=تجاهل حقوق الود ياجعله السلاال
انا وين ياسلطان والجيل هاذا وين=يومن الهوى عذري قبل يطلع الجوال
من اول رسايلنا تجينا مع الماشين=واليوم الرسايل جات مع ذبذب الارسال
رسايل تجي وتروح مع عالمن فاضين=بعيده عن الواقع صداها لهلها اهبال
ترى شرد الغزلان ماتالف المسكين=تبا من يلاقفها بحرفه وطولة بال
وجودي على وقتن مضى فالزمان الزين=يوم اركض على رجلي واسابق الخيال
قضى العمر ياسلطان ماباقي الا الشين=انا اول عدل واليوم قوسة تقل اهلال
اوصيك ياسلطان يوم انت خشم وعين=لاترخي حزامك كان جاء للوله مدخال
تغانم شبابك واخذ وحده من الثنتين=تخير خيار الصيد لاتقرب الانذال
اوصيك انا وادريبك اصحى من الصاحين=لكن الكبر لحل هو علة الرجال
عسى الله يخارجنا من الغث قول امين=انا وانت ياسلطان وانصير بحسن حال

الرد

دورات الليالي ماتغير وفى الوافين=مازال الوفى مادام راع الوفاء مازال
سقى الله لليال اهل الوفاء من اول اوهاللحين=ولو كان ياحرباش في ذا الزمن مهتال
ترى للي يسار ايسار وللي يمين ايمين=كلامن على وضح النقاء يرضي العقال
ابو قلب حبه ماهو ابحب ابوقلبين=وشمس النهار ايضيع فيها هوى الدجال
بيوتن من الواقع مبناه سلم ودين=وبيوت الخيال اتعيش في عالمن خيال
تقول الهوى العذري قضى والصحيح ايبين=وهو في قلوب اهله فالحل والترحال
بيوت المحبه شامخه فاللقسى واللين=لهلها لو ادور الليالي ذرى واضلال
ولارض الوسيعه تنبت الحنظله والتين=ترى الناس مختلفه فاالاوان والاشكال
اقدر وصاتك واعتبرها عليه دين=وانا ماجهلت للي تقوله من الامثال
امجود خيار الصيد ومرافق الغالين=ولاشاق عيني يابن عمي سراب اللاال
لو ان شرد الغزلاان حبحب على السكين=ماشفت الوله من شانهن يقطع الاميال
توجد على وقتن مضى والعرب دارين=بعد ماقريت الصد قلت الصحيح ايقال
بعد راح ياحرباش من عمرك الثلثين=ماعاد انت شوق للي زهاء عنقها السلسال
عيون المها لدن نظرهن لبو عشرين=مالدن لبو معكاز لو يبني الاامال
وابو خمسه اوعشرين ماهو ابوسبعين=لكن مالك الا انك توجد على الاطلاال
هاذاقسمك امن الوقت وقسمي يجي بعدين=وماحل فيك اليوم بكره عليه حال

صح لسان الشاعر
قصيدة مميزة جدا
يعطيك العافية يابن هديبان

حجز فااااااااااااااااخر


ولي عوووووووووووووده

تحيتي

كلامه عسل والا نوايـه وحـل وطيـن=تجاهل حقوق الـود ياجعلـه السـلاال
ههههههههههه
صحت السنتكما
ابدااااااااع
ياهديبان
لاهنتم والله

صح لسانك يابن هديبان وصح لسان ابومحمد والله يعافيكم ويطول بأعماركم

تحياتي

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح صح صح السانك


حجزت قبل وعدت الان بعد التمعن

صوت وصدى من شاعرين من شعرائنا الكبار

الف مليون مليون صح السان حرباش

والف مليون صح السانك يابن هديبان


والله يعطيكم طولة العمر على العز والطاعه ان شاءالله


تحيتي وتقديري

صحت السنتكم
ابدعتم
عساكم على القوه

صحت السنتكم وبيض الله وجيهكم

مدرستين
شعريه

في شعر المساجلات
ابدااااااااااااع لحد الاشباع

استوقفتني
القصيدتين لوقت طويل

لجمالياتها مابين سبك وحبك ومضمون رائع
بارك الله فيكم وصحت السنتكم وبيض الله وجيهكم
حتى ترضون