( 1204 ) لغيزات بهجينيه

والله مادري اللى يبي يحل والايقراء والا ينتقد والا يأيد
الحل حطه تحت اللغزياللي تحل مع الاعتذار:.

1) لقيت عود كبير اسنون = مغير يتوبع خوي له
2) ووشدلة فعلها قانون = دله ولا تشبه الدله
3) واللي تزوج بلا ماذون = بالارض والارض ملك له
4)ويا من عرف واحد مجنون = يرعد ويرقص بلا ذله
له سن واحد يهد حصون = ومهما فعل مابرد غله
6)وانشدك عن واحد ملعون = سو على الجتمع كله
و نشدك عن وازن موزون = مايجامل خاله ولاخله
اصم ابكم بدون عيون = حتى كفوفه يساون له
8)ووش قربة كنها غليون = لو يابس الحلق ماتبله
9)ووش واحد صاين مصيون = وابوه للمذبحه تله
10)و نشد عن اللي كما العرجون = صغره وكبره نظام له
11)ووشهي عجوزتجر لحون = تومر ولاتقبل الزله
يسوقها واحد مفتون = وليا مشى ورعها تله
12) ووش ضرب مليون في مليون = حسّب وعطني حساب له
13)واللي من قبره رجع للكون = وقبره مشى فيه ثم مله
14)ووش واحد لومشى الطبلون = ثابت ولايفارق الفله
15)ووش واحد لو برك مطعون = صلخه وكويه علاج له
16) ووش مطلب ماثبت له لون = جميع الالوان لون له
يحتاج له كل من في الكون = يازين قربه على حله

صح لسانك يابوخالد على الالغاز الرائعة وكما تعودناه منك دائما

والحقيقة ماعرفت غير اللي يرقص وله سن واحد ومهما فعل مابرد غله

4== الكمبريش اللي يحفرون فيه الافغان

صح بدنك يابوزياد ومتع الله بايامك نعم صحيح

صح لسانك الله يعطيك العافيه

صح لسانك يابو خالد ويعطيك العافية

صح السانك يابو خالد وبيض الله وجهك

صح لسانك ولي عوده

صح السانك يابو خاد ... لابد من اعادة نضر

6)وانشـدك عـن واحـد ملعـون =سـو عـلـى الجتـمـع كـلـه


( الشيطان )

14)ووش واحد لومشى الطبلـون = ثـابـت ولايـفــارق الـفـلـه


( طبلون عداد الكهرب )