ياتل قلبي تلة الموت للروح

السلام عليكم ورحمة الله وبركاته

اطـرح بـيـنـكــم هــذه القـصـيــده اتـمـنــى ان تـنــال اعجابـكــــم :

ياتـل قلبـي تلـة المـوت للـروح=من هاجس(ن) فالقلـب دايـم يتلـه
من سبته كنـي علـى نـار وافـوح=اطبخ كمى تطبخ علـى النـار دلـه
هرج(ن) سمعته كنه النـار مقـدوح=والله مثـل السيـف جابـه يسـلـه
ياليت هذا الهـرج قالـه لمصلـوح=ياليـت هـذا الهـرج قالـه محلـه
اقسـم قسـم بالله مافيـه مصحـوح=باطل ولا لـه مـن دليـل(ن) يدلـه
وكلن يقول الهرج باطـل ومرجـوح=نعرفـك والله ماتجـي منـك زلــه
مافي شك الـدرب واضـح ومبـروح=واثق في نفسي ماحصـل فـي خلـه
هرج القفاء ياتـي مبهـر ومملـوح=هرج القفاء معـروف بالكـذب كلـه
مير البلا في سامع الهـرج بنصـوح=هـذا هـو اللـي زود الطيـن بلـه
إليا نشته قـال ماقـدر ولاء ابـوح=هـذا كـلام(ن) جـاه واحـد يقلـه
عذر البليد اللي يمسح علـى اللـوح=اللي يشـوف النـاس مثلـه مخلـه
والناس ماترحم ولاء تطلب اوضـوح=ولا يفـرق اكثرهـم حرامـه وحلـه
هرج(ن) بدون اثبوت وشهود وصروح=هرج الضعيف اللي على الناس علـه
ما عاد ينفع عـذر ماهـو بمسمـوح=واللهٍ مانسـى ماحـصـل ذاكـرلـه
لولا الرجال اللي لها قـدر ووشـوح=والله لسحـب بندقـي مـن محـلـه
وليصير شي(ن) ماحصل وين بيروح=والله لاجيبه لو دخـل حضـن خلـه
لكن على الله خالق الكـون والـروح=عالـم بمـا فالكـون دقـه وجـلـه
أنه يجازي من تسبـب لـي اجـروح=اللـي بلانـي جعـل ربـي يشـلـه
يصبح طريح افراش عايب ومطـروح=مالـه عـلاج وحالـتـه مستحـلـه
والقاف رتبته علـى قـاف مجـروح=والظلـم عنوانـه وراسـي يهـلـه

اخــــوكـــــم / عـبـدالـلــه الـجـــابـــــري