متعدي ساهر وقطع الاشارات

راع الهوى شال الحمول الثقيله=ماضاق صدره من طوال المسافات
هاضت هجوسه فالبيوت الجزيله=احساسها صادق ولا به مروات
فيها شعورن يستثير المخيله=فيها قسايم قبل قطع الاشارات
ياهل الشعر ياهل الكرم والفضيله=وش حيلة اللي ساهر الليل مابات
يذرف دموع الحب يبغى خليله=وضاقت به الدينا وسبع والسموات
وده يضم الزين مدري يشيله=خايف على خله من الوقت بذات
كل العرب تبطي وتبطي تعيله=مدام هالمجنون للحين مامات
موته لجل خله توسط شليله=يعني على العاذل سلام وتحيات
وجده وجود الزير قدم الجليله=اللي تغنى لجل حربه بالابيات
اتقول له كف السيوف الطويله=ويلد عينه لليمامه بونات
يوم أنها قالت حياتي ذليله=قال السموحه ماقبلنا الإهانات
حسبى على سلوم العرب والقبيله=تجبر عيونك تذرف الدمع بسكات
يقولها اللي ماحسب وش يجيله=متعدي(ن) ساهر وقطع الاشارات

صح لسااانـّكّ

وعلا شااانـّكّ

قصييييييده جزله يعطيكّ العافيــهّ
سلمت ودمتّ

صح لسانك يالجابري


ابدعت وامتعت بهاالقصيده الحميلة

ننتظر المزيد
اخوك/ ابن سنيد الجابري

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك من عندي الين عندك


تقبل سلامي


ارق التحايااااااااا

وجـده وجــود الـزيـر قــدم الجليـلـه == اللـي تغـنـى لـجـل حـربـه بالابـيـات
اتقـول لـه كـف السـيـوف الطويـلـه == ويــلــد عـيـنــه للـيـمـامـه بــونــات

صح لسانك يالجابري
ابداع غير مستغرب
احترامي وتقديري

الاخت غاده صح بدنك ولاهنتي على المرور

صح لسانك احمد ....... واحمد دايم في قمة الابدااااااع

صح لسانك وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

الغالي ابوسنيد صح بدنك ولاهنت على المرور العطر والمشرف

تحيتي