( جسد امة ) لاول مرة

تعبت امشي ورى رمشي واسج خلافه الاقدام = يشرقبي يغربي على كيفة يوديني
تعبت اتبع له ويتبع لي الحسرات والاندام = يشاور لي لما يبغاة واقدامي توديني
تعبت انا ابني صروح القناعه له وهو هدام = اريد اقناعه براي ولكنه معاديني
تعبت آقول له وين الهدف ويقول لي قدام = ماكنت اتوقع لدرب الهوى واهلة موديني
هوى فيني في درب الزين وانا في امستردام = جرح قلبي ولافكر بعد جرحه يواسيني
حكم حكمه علي وصدره قاضية بالاعدام = وكاتب عدل محكمته لمشنقته يناديني
غدر فيني وسوابي سوايا بوش في صدام = ما كان يظن بانه فيه فارق بينه وبيني
صحيح الحكم في صدام نفذ لكن اسمة دام = في ارض الرافدين مسجل فكل المياديني
لون المعتدي كسر صوره وحطم الاصنام = يظل الرعب باقي منه في قلوب المعاديني
صحيح انا من امه وحدة لكن انا مقدام = ولا جابته امه من بنظره يلوي يديني
انا سعودي ولا ارضى على نفسي بالاستسلام = ولا اقبل سوى الاسلام لي مذهب ولي ديني
انا سعودي ولا ارضى بحكم مصدره ظلام = ولا لي غير الاحكام السماويه قوانيني
انا سعودي ولي فأرض النبوة والكرم حكام = هل العوجا هل الاسلام لاحكامه مأديني
سعوديين حنا واسمنا فوق الصدور وسام = وفانا نبع للوافي وعلقم للمعاديني
سعوديين حنا يفخر بنا الفخر ماينلام = لنا فعل ولنا تاريخ سطر فالدواويني
بنينا دار له مقدار باذن الله ماينضام = لانه دونه اللي بحل وحال فاديني
ضعيف النفس مايدري ان حنا عزنا الاسلام = مليك وشعب ترخص كل مانملكه للديني
ضعيف النفس مايدري ان مابه حال لاحدٍ دام = لبده يوم ياجي يوم وآخذ منه انا ديني
جروح الوقت به جرحٍ يخص وفيه جرحٍ عام = وانا جرحي بفعل الهام شعري صار جرحيني
يهون الجرح الاول مع جروحٍ تدمي الها اعوام = جروح اللي عليهم ليت ربي بس يوليني
ثمان سنين مرت والعراق وشعبها في صدام = شعب واحد ولكن بعضه لبعضه مذكيني
مادام الحال ذا حالك يابغداد اشبعي احلام = ماظنك يالعراق لماضي ايامك تعوديني
لو ان الحال ذا حالك لحالك هانت الالآم = بلانا كل الامة بالمرض هذا مصابيني
بلا لبنان طير من ارض سوريه عليها حام = تفكه فالمسا لجل الصباح تقول بقتيني
مع النيل انتقل نفس المرض لارض السودان وحام = والاخوان العرب في ساحة الشعار لاهيني
بيارق للشعر سوو وسيف ولجنة للحكام = وراعي يدفع المليون ويعقب ملاييني
بلانا امة تشتت جسدها بين غرب وشام = ولا منا تجمعنا تفرقنا الضواغيني
جسد واحد ولكنه مقسم فوق عشر اقسام = وتفصيل الجسد يآتيك من بعد العناويني
على التلفاز عند اللي لهم خبرات فالاعلام = هم اللي من خلاف الامه اكبر مستفيديني
مصايب قوم فيها فايده قالوا لبعض اقوام = لو انا نصطلح بالصلح تتقفل قناتيني
بلانا مننا فينا ندس لبعضنا الالغام = نعرف اعدائنا لكن لما يحكون مصغيني
فلسطين الابية كم سنة مرت بها ضرغام = يقتل فاليتاما واحنا فالمرقاد هانيني
فلسطين الابية لاذكرتك جفت الاقلام = يميني وقفت واوراق شعر قالت اطويني
يدوم الحال لكنة لغير المعتلي مادام = لبده يوم ياجي يوم ونحرر فلسطيني

لاعدمناكم ... سلامتكم....................... جميعاااا

الاخ الشاعر جميل بن حميدان

صح لسانك

قصيده فكرتها ممتازه
ارجوا منك ان تعيد النظر في وزن كثير من الابيات
وان تجعل اختيارك للمفردات اكثر عنايه

مع انني لم اكمل قراءة القصيده الا انني وجدت بها ابداع يستحق العنايه منك اكثر من ما قدمته لها
وباعتقادي انك قادر على تنقيحها لتكتمل جماليتها

وتقبل تحياتي

صح لسانك ياشاعرنا جميل بن حميدان لاهنت

	صح الله لسانك ولاهنت وسلم فكرك وبنانك دمت برعاية الله وحفظة

الله يجزاك بالخير ياناقد والله يانقدك عندي افضل من المدح اما النص الصدق اني كتبته امس ولم استطيع مراجعتة
الا الحين يمكن فيه اخطاء املائية وان وجد خلل فالوزن شاورلي عليه فمنكم نستفيد فنحن نبني بلاثقافة ولا هو عيب
الكسر لكن العيب النقد بدون دلائل تذكر .... مضحي وابن فرهود شرفتوني بلدة مروركم حياكم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

الحب الباقي ... الله يحييك... دايم وانت للاولة سباق شرفتنا ............ والجرح مرحبابك شرفتنا وانا اخوك