سالفه وردي عليها

السلام عليكم ورحمة الله وبركاته
في يوم من الايام صار عند جاري عشاء لبعض اقاربه من قبيله مجاوره وكان المجلس مزتحم
بالناس والا يوجد حربي غيري في تلك المجلس كلهم من قبيلة جاري وبعض القبائل الاخرى
قام شايب من كبار السن يتحدث عن المغازي بالماضي ويقول حنا وحنا ومن بعض القصص اللي قالها قصه معروفه للجميع لكن جيرها لصالحه وقبل ماينتهي من سردها قال المغزب قوموا على عشاكم قاموا الضيوف وانا رفضت الابعد ماينتهون الضيوف وبعد ما تكامل الجميع بالمجلس قلت ياعم انت قبل العشاء كنت تحدثنا عن قصه وقطعها علينا العشاء اريدك تعيدها لنا كان المعزب مشغول والم يحضر الكلام اللي صار والا عرف علي باني حربي قام الشايب في سرد القصه وبعد ماانتها قلتله ياعم انت مع القوم او تروى لك انتبه باني حربي قال انت حربي قلتله نعم حربي والقصه غير
وسرة القصه عليه كامله بدون تحفض وردفت الابيات التي سويتها اثنا فترة العشاء
وبعد ماقلتها سكت الجميع وقال واحد ياحربي اخطيت بحق العود قلتله اذا اخطيت بحق واحد العود اخطاء بحق قبيله واذا ترى اني مخطي الحق يرضي الجميع نروح لرجل صاحب معرفه ويحكم بيننا

ياعود غادي بالسواليف غادي=الله على قلب الحقايق يجازيك
الظلم ماهو من سمات العبادي=انشدك ويش اللي عن الحق معميك
عينت ذوداً مارجع يوم قادي=ذوداً عليه اتصيح وتفرك ايديك
جابوه ربعي مبعدين المعادي=انشد عنه يالعود صادق بنيخيك
ماذمكم جيتوا سوات الجرادي=فوق الركايب بالرصاص المشاويك
ومن دونها حلنا نهار الطرادي=منكم ذبحنا اثنين بدنا مفاليك
لساع فيهم ماطرالك سدادي= ياعود ماتقل السواليف تعنيك
جاك الوكاد ان كان تبغى الوكادي=ترى العرب تدرك ماضينا وماضيك

الحقيقه ماكنت ابغى اطرحها لكن سوال الاخ ناهس الشعيفاني بضيف تحت الاضواء
جعلني اطرحها

	المشاركة الأصلية كتبت بواسطة سعد المحمدي

	الحقيقه ماكنت ابغى اطرحها لكن سوال الاخ ناهس الشعيفاني بضيف تحت الاضواء جعلني اطرحها

الشاعر الكبير / سعد المحمدي
صح لساانك
وبيض الله وجهك
وعلمك غاااانم ويطلق الوجه يابو تركي
وانت كفواا تمثل قبيله حرب كلهااا

بعلمك الغاانم وبقصيدك الجزل
قصيده ابياتها قليله لكنهاااا عن قصاائد
لاهنت يابو تركي

	المشاركة الأصلية كتبت بواسطة ناهس الشعيفاني

	الشاعر الكبير / سعد المحمدي صح لساانك وبيض الله وجهك وعلمك غاااانم ويطلق الوجه يابو تركي وانت كفواا تمثل قبيله حرب كلهااا بعلمك الغاانم وبقصيدك الجزل قصيده ابياتها قليله لكنهاااا عن قصاائد لاهنت يابو تركي

الاخ والصديق الوفي ناهس الشعيفاني ماعليك زود والله يبيض وجهك ياراعي الوفاء

الأخ سعد المحمدي

اولاً بيض الله وجهك وانت اكيد انك وضحت القصه المقصوده ووضعت النقاط على الحروف

والقصص اغلبها تغير حقائقها لكن اكيد العود اخذ نصيبه من ابياتك ويكفي البيتين الأوله تكفيه

صح الله السانك يابن العم

وتقبل اجمل التحايا

ودمت ودام ابداعك

	المشاركة الأصلية كتبت بواسطة ابن خيرالله الردادي

	الأخ سعد المحمدي اولاً بيض الله وجهك وانت اكيد انك وضحت القصه المقصوده ووضعت النقاط على الحروف والقصص اغلبها تغير حقائقها لكن اكيد العود اخذ نصيبه من ابياتك ويكفي البيتين الأوله تكفيه صح الله السانك يابن العم وتقبل اجمل التحايا ودمت ودام ابداعك

الاخ ابن خير الله نعم وضحت السالفه للحاضرين
تحياتي وتقديري والله يبيض وجهك على المرور

الخ سعد المحمدي صح السانك والله يعطيك العافيه والعود يستاهل ما جاه

والله يجعل من تعرض حرب يطيح ابمثلك

تقبل مروري وحترامي

	المشاركة الأصلية كتبت بواسطة ولد الحصني

	الخ سعد المحمدي صح السانك والله يعطيك العافيه والعود يستاهل ما جاه والله يجعل من تعرض حرب يطيح ابمثلك تقبل مروري وحترامي

الاخ ولد الحصني ماني اطيب منكم لكن نوب تصير مثل هالمور وفيه من يتوفق باردر وفيه غير ذللك
واللي صار ماهو شطاره مني توفيق من الله وحض حرب دايم قائم حيث انها قبيله لاتحب الخطاء والا تخطي على احد

صح لسانك والله ومقدي رد يبيض وجهك ياحربي سلمت ياسعد من كل شر

	المشاركة الأصلية كتبت بواسطة ابوخالد الفريدي

	صح لسانك والله ومقدي رد يبيض وجهك ياحربي سلمت ياسعد من كل شر

ابو خالد مبروك عليك الشهر الخير الله يعينك على صيامه وقيامه ويكتب لنا ولك الاجر والثواب
مشكور على المرور بيض الله وجهك ياشاعرنا الكبير علي الفريدي/ابو خالد