( يامغنّي المسحوب صوتك وصلنا=في داخله ونّه تذيب الصليبين) .مساجله

/
/
/
/
/
/
/
/
/
/
/
/
/
/
/
/
/

بدع الشّاعر/ خالد بن عبيد ألأحمدي=
راح الشّباب ومنه ليـت استفدنـا=والشّيب بيّن والعمـر فالثّلاثيـن
وبحراج جاوبنا على اللي نشدنـا=لاقال كيف الوضـع قلنّـا هنيّيـن
وكم واحدٍ لايم لنـا فـي عقدنـا=وايعد نفسه مستشـار السّلاطيـن
مايدري انّـا فـي زمنّـا جهدنـا=اضعاف جهده مير محنا حضيضين
مسكيين مايدري عن اللي وجدّنـا=والحمد لله كان عشنـا تعيسيـن
كم ليـل مانمنـاه سبّـة سهدنـا=يوم اجتمع همّ الهوى بالمداييـن
وكم ليل من زود المزاهق رقدنـا=رغم الطّرب واللعب محنا بسالين
وفي مجتمع ماانصف لنا ماحصدنا=غير الحسد والشّك واحنا نظيفين
فينـا نزاهـه مثلهـا ماوجـدنـا=يشهد بها اللي بالعلاقـه قريبيـن
صدق الضّماير مانخـون لبلدنـا=ولاتقبل الرّشوه يديـن العفيفيـن
لاكـن يافـوّاز حــال ٍ لهـدنـا=انّه يوسوس فاالصّداقه شياطييـن
كم صاحب ٍ ضلاّ سنيـن ايعمدنـا=لاكن تغيّـر حرّشـوه الخبيثيـن
زمرة ردى مـن فعلهـا ماوددنـا=تثّر على اللي عندنا حيل غاليـن
واحنا على اللي نعبـده معتمدنـا=والصّدق يافوّاز ذولـك مجانييـن
وندعيك ياللي بالاجابـه وعدنـا=عدواننا فـي كارثتهـم مظلّييـن
تاصل على اقصى حدّها بعد الادنى=واحنا على العدوان محنا محنّيين
وغلطـان يافـوّاز لـو تعتقدنـا=انهابهم واحنا سلايـل شجيعيـن
ردّ الشّاعر/ فوّاز بن محسن الزّويهري=
يامغنّي المسحوب صوتك وصلنا=في داخله ونّه تذيب الصليبين
أنته وحنا فالبسيطه زرعنا=ومنّا بلا محصول ومنّا جنى تين
وأنته وأنا لباب الكريم ألتجأنا=المعطي المغني نصير الضعيفين
لا لاح شيبك لا يجي فيك ظنّا=ترى الكبر فالروح والشّيب فالعين
ادهن سيور الوقت للحضّ تقنا=واجعل لعزمك روح تمشي في عشرين
اتنال مقصودك وللي تمنّا=واتبدّل حروف الأسا بزين يازين
ولا تجعل النّاصح بنصحه تعنّا=اللي نصحك بصدق هذا لك يعين
وحنا على حب الكواعب فطرنا=لكن ذاك الحبّ ما والله يهين
عزّ ٍ على عزّ ٍ ومنهو قطعنا=نسقيه من سمّ الأفاعي عزيزين
وامر الوفا يقضي ديون احتملنا=دامك مع الوافين صبحك لك يبين
دنيا دنيّه ماعليها عنزنا=ومنه تحضّنها تغطيه بالطّين
الله برزقه ياعميلي كفلنا=ماتاخذ الا ماقسملك بتقنين
لو كان سعيك كالوحوش فسهلنا=ولو كنت حايم كالصقور المنيفين
ولو كنت مثل النّحل يجني زهرنا=ولو كنت مثل النّمل جهدك بجهدين
ماتنال غير اللي في صحنك تسنّا=ارضا وترضا مع جموع الرّضيين
وياما كسور اصحابنا قد جبرنا=اليوم معنا سيف يبتر بحدين
وماكل حاذف يارفيقي حذفنا=والنّجم سامي مايجي عنده الشّين

تسجيل تواجد في منبر الجزاله
صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم يالشعار
لاهنتم ولاهان هذا الحضور
تقبلو تحيتي

صح السانك لاهنت
ولاهان منطوقك
شاعرنا القدير

صحت السنتكم
لاهنتم ولاهان منطوقكم الرائع

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم وبيض الله وجيهكم
على هذا الابداع والتميز

صحــت السنتكــم
دمتم برعاية الله وحفظة

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

الحب الباقي
صح بدنك