على الرحله اللي فوقها الطاقم المشهور

على الرحله اللي فوقها الطاقم المشهور = تمنيت لو ارسلت يمك تحياتي
من الورد والكادي تبختر عبير زهور = مواجيبك اكثر بس ياقل قدراتي
ابابدي لك الاعذار لوقلت لي معذور = على شان شرهاتك دبل كثر شرهاتي
للاسباب ماني عارفٍ لي عدد محصور = ابذكر بعض منها على حد نظراتي
انا هالني ياصاحبي كثرة الجمهور = حسبت الوفود ولاادركتهم حساباتي
وانا ماارغب الشاشات ومزاحم الطابور = ولاابغى رفيقي يبتلش في إمداراتي
ولاني من اللي ينتظر للقصيد الدور = وتقدر تقول انه سبب بعض صداتي
واشوف الذي ماجاك وارسل وراك سبور = قعد ينتظر عودة رجال المهماتي
يزف التهاني لك منول بدون قصور = ولكن يمكن في بعضها دعاياتي
ومخوفني اللي راح دوره ثلاث شهور = وزرع له مراصد فالفضأ في مجراتي
من اقصى الكواكب فالفضى يمغط الناظور = على شان يدري وين وجهة مساراتي
لياشافني مغتر سماني المغرور = ولاهو مقر انه سبب كل غراتي
ويجي من يصدق له ولو في شهادة زور = وانا من يصدقني على حسن نياتي
ليا لون الاهداف لاهل العيون العور = تصدق شهاداته وتبطل شهاداتي
ولكن لاتحزن على حالي المستور = ترى قوتك وفراستك من بركاتي
ليا اقفى قطار العمر قدمه بنات الحور = بفضل الولي ماهو بفضل اجتهاداتي
تذكرت يوم امساني الليل واقفى النور = ولا فيه امل قدمي لتحقيق رغباتي
وطرالي جملنا العام وخطامه الماسور = على حد قول اللي تهمه حكاياتي
من العام اشوفه عند هذا الممر يدور = وانا والله اني كارهه في ممراتي
خلاص اعتبرناصاحبي له سنه مقبور = وانا العام فوق القبر هليت عبراتي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

سلمان البدر


صح لسانك و بيض الله وجهك

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك ..
..
أسجل اعجابي بالقصيدة
..
ويعطيك العافيه ..

صح لسانك ملايين
والله يعطيك العافيه
ونص رائع للغايه

صح السانك يلحويفي

هذا الشبل من هذا الاسد
الله يعطيك العافيه على القصيدة الرائعه والجزله

الشاعر الرائع
سلمان البدر
صح لسانك صح لسانك صح لسانك
قصيده جزله
تستحق الاشاده
ابيات في غايه الروعه والجمال
بيض الله وجهك
والله يطول بعمرك ياشاعرنا
وننتظر منك مزيد من الابداع

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة