( مافيه فالدّنيا مصعّب كدرها=اصعب من افراق العشيق لعشيقه )

/
/
/
/
/
/
/
/
/
/
/
/

مافيه فالدّنيا مصعّب كدرها=اصعب من افراق العشيق لعشيقه
وانا مجرّب فالليالي خطرها=وفادتني الخبره بكشف الحقيقه
واللي هدم فرحه بعد لاعمرها=اثّر على المهجه من اسباب ضيقه
هواجس الذّكرى تبدّي ضررّها=متذكّرٍ وقت الصّفا بالدّقيقه
يوم الليالي معطيتني دررها=مع الهنوف الرّايقه والانيقه
العين معها ماتشكّى سهرها=منطوق حالي والمشاعر رقيقه
تفرد جدايلها تغطّي ظهرها=نفسي على قرب الحبيبه شفيقه
في قربها جنّه نفيسٍ مهرها=وفبعدها شدّة سعير الحريقه
والعين سبحانه مسوّي حورها=اللي نظر فيها يضيّع طريقه
بعد الغلا صاحبك نفسه قهرها=ناقش حروف اسمه فخاتم عقيقه
وصاحبك ساعة بعدها ماعذرها=لو عذرها زوّد بجرحه عميقه
ولولا الضروف القاسيه ماجهرها=اهموم زادت به بوقته تريقه
يشكي على مجرّب وغايص بحرها=وعجّل يابو راكان هات الطّريقه
وزين العلوم الوافيه مختصرها=وانت الصّديق اللي يوافي صديقه

الشّاعر / خالد بن عبيد بن معتوق ألأحمدي