( الامير ابن الملك فيه حكمه فيه دين=خالد الفيصل عرف للصّعيبات الزّبون)

/
/
/
/
/
/
/
/
/
/
/
/
/
/
/

قلّ دور التّوعيه فالمدارس من سنين=والموجّه تربوي مير مايتوجّهون
اصبحوا طلاّبها بعضهم مستهترين=بالسّلوك المنحرف جاهروا يتفاخرون
وحسب قولٍ نسمعه من رجالٍ عارفين=مرحله متوسّطه ياخذون الكبتاجون
اولياء امورهم في احتواهم عاجزين=والمدرّس هيبته بالنّظم قامت تهون
ودّنا كثف العمل من لدنّ المسؤلين=حتّى نبدا مرحلة نشء جيلٍ له شؤون
هيئة المعروف يصبح لها دورٍ مكين=للتّناصح والعضه بالعمل يتكاتفون
جبتها بالمختصر يارجالٍ فاهمين=والحديث بذا الامر عارفينه ذو شجون
والامل بالله والله للمومن يعين=ثم بعده فيه امل والعرب يستبشرون
فالامير ابن الملك فيه حكمه فيه دين=خالد الفيصل عرف للصّعيبات الزّبون
يالله انّك تحفظه تجعله بك يستعين=واجعله ذخرٍ يجي للعرب باللي يبون

الشّاعر / خالد بن عبيد بن معتوق ألأحمدي