مرثية في فقيد حرب عامة وبشر خاصة الاستاذ غازي حميد يرحمه الله

يقول من عدا براس الطويلة = وهاضت هجوسه بعد طوّل وقوفه
الزند قدحه لحق راس الفتيلة = وبعض الخساير للقبيلة كلوفه
اللي مقاسيم الليالي تحيلة = بيصيبنا نصيبنا من زروفه
حان الاجل والسبت سجل رحيلة = غازي حميد وللمقدر ظروفه
مثله فقيدة للوطن والقبيلة = الله يقوي بالبقية صفوفه
مصابكم ياحرب قالة ثقيلة = يوم الزمن في بشر زادت صروفه
يالله ماغيرك لنا نلتجيلة = ياحي ما نامن مع الوقت خوفه
لو الرثا مافيه طب وعقيلة = جتني تواسي فالمصيبة حروفه
برثي عزيز القوم راع الجميلة = اللي بقى ذكره وطيب معروفه
اللي ملك من كل خصلة نبيلة = وتصدرت فالناس جزلا كشوفه
قليل من هو في زمنا مثيلة = اللي على الطالة تورّث وصوفه
يارب فامرك مالنا من وسيلة = تقبل دعا من هو رفعلك كفوفه
عساه في جنة ومن سلسبيلة = يشرب ولا يضما بها دوم جوفه
ويا الله تغفر كل ذنبن يشيلة = وتبدل لسيه حوتها كتوفه
وتضلله بضلالك اللي ضليلة = في يوم حره كل خلقك تشوفه
وصلوا على المختار راع الفضيلة = ودنيا البنادم ماعليها حسوفه

صح السانك وبيض الله وجهك
مبارك عليك الشهر

صح لسانك يالشاعر عساك عالقوة

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

رحمه الله رحمة واسعه وغفرله وصح لسانك

تحياتي لك وكل عام وانت بخير

صح السانك
يابو محمد والله يرحمك

نسال الله له الرحمه وإن يلهم اهله وذيه الصبر والسلوان
وصح لسانك يابو محمد الله يعافيك

احسن الله عزاكم يابومحمد

الله يغفرله ويرحمه ويتجاوز عنا وعنه
وصح لسانك

احسن الله عزاكم يابومحمد

الله يغفرله ويرحمه ويتجاوز عنا وعنه
وصح لسانك

تسلم على القصيده الاكثر من رائعه

والله يرحمة ويسكنه فسيح جناته يارب