زومالة قبيلة عتيبة وعلى رأسهم الشيخ حجاب بن مسري الزلامي لقبيلة حرب

**
**
**
**
**
**
**
**
**
**
**
**
**
**
**
**
**

زومالة قبيلة عتيبة وعلى رأسهم الشيخ / حجاب بن مسري الزلامي وربعه
في حفل زفاف العريسين بدر و سلطان أبناء الشيخ / عبدالمجيد بن حمادي البشري (رحمه الله )
بعسفان يوم الخميس الموافق 19 / 10 / 1430هـ

الأوله
سلام ياشيخ دعانا للفرح وأرسل كتابه
ابن حمادي شيخ ربعه والعرب تحسب حسابه
من روس قوم تحمي الميقاف في سلم وحرابه
سقم العدا والنعم فيكم ياقويين العزوم
الثاني
باسم الأمير حجاب واللي معه من ربعه عتابه
نمشي كما نوء الحياء لاهل وبله من سحابه
يحي الديار المسنية مابين ليل وبين يوم
الثالثه=
والثالثه حنا عتابه من على عصر الصحابه
تاريخنا يشهد لنا عشنا على عز ومهابه
نفدي الوطن بأرواحنا والموت دونه مانهابه
في ظل أبو متعب عسى حكمه بعون الله يدوم
الرابعه
والرابعه وشهو ولد يأهل المعرفه في شبابه
ينصى الرجال ويقضي اللازم ويزهنّه ثيابه
وابوه حي وغاب واللي غيّبه هجرن غدابه
وأمه ينافسها بناتن سبّبن لها الهموم

الرد من قبيلة حرب

الأوله=
يامرحبا بالي لفانا في فرحنا مرحبا به
يمشي على وضح النّقا والعز دايم في ركابها
أنتم وحنّا نوفي الموجوب مافيها غرابه
الله يحيكم على التكميل يارجال اللزوم
الثانيه=
جيتو وحنّا في حراكم ننتظركم يالذيابه
انتم عتيبه ربعنا والسيف عزه من نصابه
حييت ياشيخ في حلة شيخ ماينصك بابه
يكمّل الضيفان في حسب السواير والسلوم
الثالثه=
والثالثه ونعم بكم والكل قايم في منابه
حنّا الحروب وفعلنا ياصحابنا كلن درابه
حب الوطن في قلوبنا نحميه من كيد العصابه
دايم لأبو متعب فدا في برد ولّا في سموم
الرابعة=
والرابعه معروف حل اللغز مافيها صعابه
يازين صوت النجر يالعُرّاف لامنّه ندابه
لادق فيه البن لاهل الكيف يامحلى شرابه
جوف الدلال اللي عن الخطّار يجلن العسوم