1682لغز من أنشائي الغز مرفوع لعدم تواجد صاحبه

احبتي بهذا المنتدى الشامخ اطرح بين ايديكم هذا اللغز عساء ان يجملني ويحوز على رضاكم .

ابا أسئل اللي للمعاني يعرفون
,,,,,,,,,,,,,,,,,,,اللي لديهــم للمعانـي هـوايـــه
عن بنت تدي علم واضح ومضمون
,,,,,,,,,,,,,,,,,,,وتبينه بأسهل طريـقـه وغـايه
تجيك من قومٍ على الخير يسعون
........................ومن متنها تعطيك صدق الروايه

انتها ,,,,

لغز مفقد ومنقد صح لسانك يابوسامر وبيض الله وجهك
وش تقول طال عمرك بكلمة سبحان الله عندما يخطي الامام في الصلاه

تشرفت بحضورك يابو هليل ومالك لواء خيرها بغيرها .

طيب وشتقول بالنصيحه
واستاذنك انت والربع ساتغيب الايام القادمه بدواعي السفر

صح لسانك يابو سامر وعندي رمعه
وش رايك طال عمرك بـ( المطويه او المنشورات الدينية)

ابو هليل ماتشوف شر سفرا سعيدا وعوده حميده انشاء الله . اما رمعتك مالك لواء .

الاخ الترمس . تشرفت بمرورك ولالك لواء .

الاخ ابو سامر صح لسانك
وش قلت برسالة الجوال التي تبلغ عن اقامة صلاة الجنازة وترسلها الجمعيات الخيرية .

صح لسانك يابوسامر وبيض الله وجهك على اللغز الرائع

وش تقول في السنّه النبويه
تجيك من قومٍ على الخير يسعون>>الصحابه رضوان الله عليهم .. واهل الحديث عامه كالبخاري ومسلم وغيرهم
من متنها تعطيك صدق الروايه>>متن الحديث .. متن الحديث هو ما انتهى إليه سند الحديث من قول أو فعل أو تقرير لرسول الله صلى الله عليه وسلم

عشير النشاما مرورك يشرفني والرمعه مالك لواء .

وجودك يكفي مشكور على المرور ورضي الله عن الصحابه اجمعين ولالك لواء

وش تقول في علامة السجود .. قال تعالى : {سِيمَاهُمْ فِي وُجُوهِهِمْ مِنْ أَثَرِ السُّجُودِ}