سبحانك الله

الله هو الواحد الخلاق علام الخفيات ¬= عالم بجهر الاموروما تخبيه السراير
¬الله هو الواحد الفرد الصمد رب السموات = ورب الاراضي ومن فيهاومن في الجو طاير
الله هو ربنا هومحصي الاحياء والاموات = هو منجي الناس من شرالنوايب والضراير
سبحانك الخالق المعبود لك كل العبدات = الشرك بك ذنب يحسب من كبيرات الكباير
تامر وتنهى اوامر مالنا عنهاخيارات = محد(ن) يخالف لامرك غيرعدمين الضماير
اياك ندعو ونرجي في الشدايد والمهمات = واللي طلب غير وجه الله يبشر بالخساير
ياخالق الميت من الحي والحي من الاموات = ومدبر الكون كله بين متجمد وساير
مانعبد الا انت يارحمان يارب البريات = اياك نعبد وباسمك نستجير من العزاير
يارب تحفظ بلدنا من شرور الانقسمات = ولا تولي علينا حاكما ظالم وجاير
يارب جنب بلدنا التفرقه والانشقاقات = لا ينقسم مجتمعنا عدة احزاب وعشاير
وتحفظ لنا ديننا الاسلام هو خير الديا نات = وتديم سترك علينا مانبي كشف الستاير
يامسلمين اتقو وخذوا من الدنيا عبارات = لا تغركم كثرة الاموال وكبار العماير
يامسلمين اتقو وخذوا من الماضي اشارات = كم واحد ينذبح واهله يهلون العباير
يامسلمين احذروا من علم بثته القنوات = ماجاء منه للعرب غير الندامه والحساير
من غيرنا ناخذ العبرة وتحضى بالسلامات = انضر يمين ويسار الرعب بين الناس داير
بعد انقسماتهم ومشاغبتهم والخيانات = الذبح فيهم مثل ذبح الغنم وسط الحضاير
اليوم حنا تحت حكم تمثل بالعدالات = حكم السعودي تقويه العزيمه والبصاير
حقن دمي الاوادم واعتمد حفظ الكرامات = ساوى مابين الخلايق في البراري والحواير
شفنا جموع الحجيج تحج وتنال المعونات = وفي سابق الوقت كم دارت عليهم من دواير
من باب مكه الى باب المدينه راحت وجات = افواج مستبشره بالخير ماشافوا كداير
ماهمهم غير تنفيذ المناسك والزيارات = بامن ا واما ن وطمانينة يؤدون الشعاير
وليا انقضى حجهم عادوا رفيعين المقامات = وعن عدل حكامنا راحوا يسوقون البشاير
يارب تحفظ لنا حكامنا اصحاب المروات = مادام حكامنا ال سعود مانخشى النذاير
اعوذ بالله من شخص يسوق الاتهامات = يقذف حراير رسول الله وهن خير الحراير
مانقبله والبراءة منه تبقى طول الاوقات = الفعل هذا مايرضينا ومنه الدم ثاير
اللي يحب النبي يكثر عليه من الصلاوات = مايتهم عرضه المصيون من كل الجراير
يكثر عليه الصلاه وتشمل اله والقربات = واصحابه الراشدين اللي معه وقت العساير

صح لسانك على القصيدة رائعه
والله يعطيك العافيه
بيض الله وجهك

يامسلمين اتقو وخذوا من الدنيـا عبـارات
لا تغركم كثرة الامـوال وكبـار العمايـر

صح لسانك
وجزيت خيرا
على هذه النصيحه

سبحانه الله ربنا جل شانه

الشاعر الكبير الشيخ حسين بن مريع صح لسانك على القصيدة الجزلة و انت شاعر مخضرم

يامسلمين اتقو وخذوا من الدنيـا عبـارات
لا تغركم كثرة الامـوال وكبـار العمايـر



صح لسانك يا ابن مريع على هذه النصائح

الطيبة

سبحانه الله ربنا جل شانه
صح لسانك اخوي
حسين مريع العبيدي
قصيده جزله
من شاعرجزل
لاهنت

الأخ الشاعر : حسين مريع العبيدي
اشكرك قصيدة جزلة من شاعر جزل له مكان مع عالم الشعر
لك التقدير والأحترام
لاهنت

الله الله الله

صح لسانك وبيض الله وجهك

ورضي الله عن أمنا الطاهرة عائشة بنت الصديق رضي الله عنه


قصيدة جميلة ومعبرة

وتستحق التميز

اخواني واخواتي الاعزاء اشكركم جميعا على مروركم المشرف وصحة ابدانكم وما عليكم زود
تفضلوا بقبول تحيات واحترام اخوكم
حسين بن مريع العبيدي

يصح لسانك يالشاعر

ولاهنت على هالشامخه

إحترااامي’,,