يامرحبا ترحيبتن بأسم عواد
بالسان شيخً لقبوه المهادي
مالقب إلا بعد ماجاله أسناد
علمً تسولف فيه حضر وبوادي
وألي لربعه ضايفن جهد وأمجاد
كد قيل كلن فوق حقه يزادي
ولكل ناجح يظهر الوقت حساد
وليا سمع طاريه جاه ارتعا دي
ماقوله حذفه وأعنيبها أفراد
اقولها من واقعي واعتقادي
العد له وراد والمجد رواد
والحق مثل الصبح ماله أملادي
ماينحجب الغربال نوره اليا انقادّ
رجال علم ومن رجال المبادي
نجمن لمع نوره على روس الإشهاد
لاعدو اهل الفعل ماهو بعادي
وواصل الموضوع واخذله ابعاد
يابن دهيرم تستحق الجدادي
مثايلن تصعب على كل قصاد
للقالهن فكر الفهيم السدادي
في ليلهً شعارها تدحم الماد
وأضيوفها من كل قطر البلادي
اعيان بالدوله وشيخه لها شداد
متكبدين للسفر بجتهادي
كلن يبارك له على قرم الولاد
عساه يبلغ مقصده والمرادي
هذا وأنا في خاطري بعض الأعداد
نبذه وليه مصدري واستنادي
منها مفاهيم ً بها لازم يشاد
من خوف تدثر ثم يقل الوكادي
حنا ذوي ميمون بالموقف الحاد
سطر لنا التاريخ علمن وكادي
والي جهل بمجلله ينشد الناد
وإلا يعد مسمايات البلادي
من قمة الفقره بداء الحرب وانقاد
مع درب زيزوم النضا للمعادي
يومً جاء للحرب مصدر وميراد
ابن جزاء دوره تراه القيادي
من يوم طق الزير للحرب معتاد
الفين درجه جات من بطن وادي
روسً سطرها مرهاءفوق الأكباد
مايشكي الحربي مهونةً معادي
إلا يجي نصره من الله وماراد
لابان. نيشان. الهدف للهنادي
ولولالي خايف من كلامً له أبعاد
ويطول شرح السالفه والتمادي
لا شرح الدعوى على روس الاشاهاد
وأحط صورتها على كل نادي
اناء سروري. بالتخاطب. لنقاد
وعندي شواهد معركه والقيادي
والكذب عيب وسرقة افعال الأجواد
من لاشهدبالصدق خايب ورادي
يا مولفين اليوم طفح العرب زاد
طمس الحقيقه شر ماهو بعادي
اخص من جيش ثلاثين. عرباد
ناس سوالفها سخاف إوداوادي
اهدافهم سيه ويدفعهم احقاد
واسنعهم الخايب مريض الفوادي
أكبر خلل نطرح سؤاله وأنا جاد
متخالفين ولابكم شخص غادي
وأناء تراي بخير ما أبغى لكم زاد
ادخلتم الانساب سوق المزادي
تم الكلام اللي عن الكيمره صاد
وأنا على عرضه دخولي مفادي
غازي مغيران الزغيبي