شـاعـر مـمنـول وشـاعـر لـهلـحيـن = وأفـلج الـخصـم الواقعي وأنفلج له
والـشاعـر الـلي مـا لـشعـره براهين = مـثل لـمات أحياه ويش إيهرج له
لاقــلت مــن دافـع لـو أقـول بـيتـين = عـن حـوفـهن نـقادة الشعر خجله
لـلبيت أكون رأس وأرجول وأيدين = ودورة دمـــوية بــطية وعــجلــه
مـانـي مـعفي لاشاف ضول معفيين = فـزع وعـوقـه بـين عـنقه وحجله
فـزع مـا يـعرف الـمين ومقابلٍ مين = جـمع الـلوامـي فـيه مـا تنفرج له
ينكف ما خلص دين ومدان في دين = ورسـم الـغلاف إيغازله ويغنج له
عـبرت عـن مـا ضـر شعر البريين = يـاالله تـجلى ضره و ضري إجله
فـي هـذا لـي شـعار جـيلـي أمـقرين = وأنــا لــهم كــلن أمـوقـع أبـسجـله
مـاهـم مـزاهـيفٍ بـوسـط الـديـاوين = والـمقـفي يـعفون عن عضّ رجله
والـيا الـتقـيت أنا واحدهم خصيمين = يــعذر عــدو أدم أبـمكـره ودجـله
الـمعـجب نـزرع فـي خياله براكين = لايـحرج الـراوي ولا يـنحرج له
مـن حـاضري يأخذ رموز ونياشين = أوجزت موجز لاجل مثله ولجله