سالم البشري=
اببدع القاف للشّعّار=في ليله الفرح كاسيها
سلام من بال مايحتار=حرفه يوفّي معانيها
حفيد الحجيري=
مني نيابه عن الحضّار=في ليله الوبل ساقيها
ترحيب مثل النّهار جِهار=ماحيّر افكار بانيها
سالم البشري=
تهنابها رحمة الأمطار=الله عسى يسيل واديها
والآن هيّا اسمع الأخبار=اللي لكم جيت ابحكيها
حفيد الحجيري=
آمين وتخضّر الأشجار=وابيار الاجواد تحييها
نصغي لك السمع والأفكار=واللي فصدرك لنا ابديها
سالم البشري=
لي قلب في خانة الأخطار=أزرى يقاوم مآسيها
كل ماقرب يبتعد أمتار=عيّا المسافات يلغيها
حفيد الحجيري=
حالتك صعبه وانا محتار=ولاأقدر افيدكم فيها
حتى تقلّي على ماصار=واسباب للآن مخفيها
سالم البشري=
عن حالتي مالها معيار=وقت ومسمى يسميها
الحظ بوزه ثلاث اشبار=والود غلّق بلاويها
حفيد الحجيري=
حذرا سقوف الأمل تنهار=احرص ورمّم مبانيها
مهما حصل قاوم التّيّار=لو هبّت الرّيح رسّيها