كان لنا صديق لايكاد يفارقنا ولاكنه بعد ان تزوج بثانيه فى مكان ثاني وتولع بمزاين الابل وأشترى له ذود....انشغل عن أصحابه وأنقطع عنهم ووصله بعض اللوم من أصحابنا والمعاتبه فأرسل لي هذه الابيات التي لاأعلم أن كانت من قوله أو منقوله وتم الرد عليها من قبلنا مع العلم أنني لم أكن من المعاتبين له لأن العزيز يبقى عزيز أن كان قريب او بعيد...
الابيات المرسله لنا
واللي يسوق الغيث في حزة عصير=طاحت مخاييله على القاع حدرا
أنـي لـكـم وافـي مـثـل سـالم الـزيـر=بـس الزمـن قـاسي والايام غـبرا
يـجـري غـلاكم بـدمـنا دوم ويـسـير=يسقى نبات القاع وتصـير خـضـرا
باقـي لـكـم باقـي على الشـر والخير=حافـظ غـلاكـم والله بـالحـال أدرا
وأن بان مـنـي يالاجــاويـد تـقـصـيـر=عذري رسالة لـيـل في جو قمرا
وهذا ردنا عليه=
مالوم ذيب(ن) يقنب الصوت ويغير=يعشق ظلام الليل والليل غدرا
نـقـل فـؤادك بالهوى وين مايـصــير=نـقـل فـؤادك يـفـعـل الله أمرا
قـلـبـك خـضر لو كان ذودك مغاتـيـر=يبقى فؤادك بين وضحا وحمرا
مـثـلـك مـعـلـم ما يــبــيـلـه تــفـاسـيـر=يصبر لو الرجلين تاطا بـجـمرا
والعزم سلاح(ن) لـلرجـال الـمـناعـيـر=للداء دواء ماضي الجرح يبرا