لاناموا اللي من غثى الوقت سالين
حلو الكرى بالليل عيا يجيني
وان غمضت لحظه عسى ربي يعين
قمت اتذكر مامضى من سنيني
وذكرت عطف الوالدين العزيزين
ياعلهم مع زمرة الصالحيني
الوالدة في حضنها عايش سنين
ياعل قبر ضمها للغشيني
ينبت على جاله ورود ورياحين
وعنها يتجاوز باعث الميتيني
وابوي من عطفه مسح دمعة العين
ياعل حبله عند ربه متيني
ياليتهم باقي لهالحين حيين
وابرهم في كل لحظه وحيني
يارب ثبتني على الحق والدين
مالي هدف تال العمر غير ديني
يالعبد ماعندك على العمر تأمين
لابد مايبكونك الاقربيني
ماتجمع النمله نصيب البعارين
مثل من الامثال يبغى فطيني
الشاعر / عجاب بن صالح الحنتمي