عزالله اني بالزمن شفت ريبه
يشوفه اللي فيه لدين غيره
اغلب مجالسنا نميمه وغيبه
ومن الصغيره يصنعون الكبيره
من شاف عيب الناس ماشاف عيبه
عينه عن الدرب المعبد ضريره
الناس من بعض الوبا مستصيبه
يالله طالبك العفو والستيره
حتى البنات امشطات الذويبه
ياقل من فيهن على الدين غيره
متبرجات وماعليهن رقيبه
في وقتنا اللي حايس الله مريره
وليهن ماله مكانه وهيبه
ماشوف فيه اصبحت بالفين حيره
الظاهر انك يالقيامه قريبه
الوقت جاير والرحى مستديره
القلب زايد من همومه لهيبه
والحال حال اللي عظامه كسيره
وده بسجه بالديار الرحيبه
مير الزمان الشين غير مسيره
عجاب صالح الحنتمي السالمي