مرحبا فيكم و سهلا من "صلاله"= ديرة(ن) خضرا و مليانه فواكه
ديرة(ن) ما تستوي للي لحاله= تستوي للي معه ربع(ن) شياكه
فوق جَيب(ن) تو جِيب من الوكاله= لا عطى درب(ن) يبدِّع باعتراكه
صاحبه ما حصّلِه تحت الكفاله=دافعه بالكاش في هاته و هاكه
ان عطى له ضلع و الا في رماله= سرعته هي هي و لا فيها ركاكه
تحسب ان دريوله زايد خباله= من كثر دورات "ويله" و احتراكه
و من كثر ما هو يداري في حلاله= ما هقيت يحط لـ ــ"لبتري" اشتراكه
في "صلاله" جو ما شفنا مثاله= ما درينا عن كسوف الشمس ذاكه
الضباب مغطي(ن) فيها جباله= و الهتيف يزيد في الرَّجل ارتباكه
ديرة السلطان جعل الخير فاله= من يهدِّد أمنها يلقى هلاكه
وكل ديرة له غلاه و له رجاله= و ديرتي حبه بقلبي له حياكه
عيشة الرجال فيها مع عياله= حلوة(ن) لو شغلته فيها سباكه
عاش ابو متعب و لا نبغي بداله= و من طمع ببلادنا يصبح علاكه