عليك ياصبري من الوقت الأهوال
شي بلا تقدير لاتشتقي به
مالك ومال مضيع الدرب لامال
خله على ممشاه لين يغدي به
حنا على الناموس نقدم ونشتال
طبع عليه نموت ماحد يعيبه
والا الردي لو يلبس شماغ وعقال
ماهو لنا مكسب ولانعتزي به
خبل يقلب هامته تقل تمثال
لانافع نفسه ولاحد دري به
اليانصحته ضاق من حاله بحال
ماكنه الا سامع له مصيبه
مثله عسى فرقاه هي راس الاموال
ولاعاد له درب علينا يجي به
اما يجي مثل الرياجيل رجال
والا يعلق فالهلايم نصيبه
ماني مكدر نفس ومضيق البال
كلن على مصلوح نفسه طبيبه
عبدالعزيز مناور الرويثي الحربي