سلمان قربلي وعطني اذانيك
انت الأمل راع الوفاء والأشده
اظفربفعل الطيب سلمت اياديك
مكاسب الرجال ممدود يده
حذرا لسانك فالمجالس يزريك
في غير حاجه هرجكم لاتهده
وأعزم بعزمك ماتفوتك هقاويك
والظفر مهما كان ماباح سده
وأختار زايد عنك فعله يخاويك
ولياعطاك الشور حذرا ترده
قيس بفكرك قبل ترمي مراميك
اللي به المصلوح بالفعل بده
انظر في حاظركم عسى الله يعافيك
وللي مضا ماينعطي فيه لده
والصبر لاصكت عليكم لياليك
ترا الفرج مضواه من بعد شده
لابد من بيض اليالي تهنيك
من فضل واحد عالم الجد جده
الرزق بالتوفيق من فضل واليك
أن راد ربي يرزقك دون كده
أهم شي إفطاعةالله مساعيك
وحبل الوصل بينك وبينه تمده
ولياإقبلت دنياك حذرا تغويك
ترا البنادم طينته هي مرده
طيبتك وأخلاقك تراها معاليك
ولا أخوك ودو علمك اللي توده
وألوسع وسع الصدر ماهي مبانيك
علمن عن اللي قبلنا كم عده
أبيات لاالذكرا ولاني موصيك
اللي كماكم ميز عقله يسده
خليفةالمزروعي