اخواني واخواتي في هذا المنتدى المحترم احب ان اسمعكم
هذه القصيدة على امل ان تنال استحسانكم
ســلام يـا مـن حـط بانــفـه زمـامــه
مـتـشــاركٍ ويــاك نـفـس الـمصـيــر
شـاقتـنـي الـبـنـت الذي كـالحـمامــه
تبغـى تحلــق بالسمــاء كانهــا طيــر
في وسـط قبلـي حـب مكـن سهـامـه
لــلــي جـعـلهــا الـلـه بوسط الضمير
من شــانــك محمـد تـزايــد غـرامـه
وابـات طـول الـليــل طـرفـي سهيــر
عــلى وليــف مـا مشى في مـلامــه
احيــان دمعــي صـار لجلــة غـزيــر
مــالــوم دمعــي لــو يسقـي تهامــه
و يـصيــر لــه في كــل وادي غديــر
مـن شـان من ربـي مسـوى مقامــه
يشبه لنــبتــة راويـــة حــول بــيـــر
عــز اللــه انـه قــد سحـرني كـلامـه
لـو ســار فـوق الشــوك والله لسيـر
وان كــان ربـي جابهــا لـي كرامــه
مـــن الـلــه الــخــلاق ربٍ قــديـــر
صـلاة ربـي عــد مـنــشــا غـمامـــه
عـلـى نـبـيٍ كـــان وجـهــه مـنــيـــر