مسيـت بالأنوار والخـير صبحـك
يالأجـودي هيضــت مني قريحـه
يامستشير الناس بالرأي بنصحك
وأنته بكيفـك لا سمعت النصيحه
بعض الشراكة ماتحقق مصالحك
تبقى بها مابيـن قومـه وطيحـة
منها السلامة تعتبر من مرابحـك
إن كان ماجرت عليك الفضيحـة
وأخسها لا طحت بقشر يناطحك
وتبلـش مـع المترديـه والنطيحـه
إذا نـويــت تبعهــا قــام ينبحــك
وإذا بغـى حقـه يصجـك نبيحـه
قـدام تعلـق بالكلبشـه وتجرحـك
خذهـا لحـالك والعبـاره صريحـه