الأبيض أبيض ما يقضي شان=شمسه معانا بلا شروقي
واللي مهو قدّ للظفران=لشعيلنا ينوّخ النوقي
فايز المحيسن=
يابن الحجيري تعال الان = واسمع كلامي ومنطوقي
سلام من حرفنا الولهان = اللي له الجزل معشوقي
حفيد الحجيري =
لبيه بك يا رفيع الشان = يا راقي الحرف و الذوقي
ترحيب من حرفنا المليان = عداد ما تنبض عروقي
فايز المحيسن=
لاشك من حرفكم نشطان = وتاج الادب طوقه طوقي
عسا البقا و شفتلي غلطان = ماقدر احمد ابن شوقي
حفيد الحجيري=
وانا بعد حرفكم لي زان = لأنّ سوق الغلا سوقـي
لكنّ عدّ اللذي لك بـان = لأجل أحكم الرد فطروقي
فايز المحيسن=
القلب ابيض دخله الـوان = مطرود واليـوم ملحوقـي
واللي يتعدى على الشجعان = نكويـه بالنـار ويروقـي
حفيد الحجيري =
الأبيض أبيض ما يقضي شان = شمسه معانا بـلا شروقـي
واللي مهو قـدّ للظفـران = لشعيلنـا ينـوّخ النوقـي
فايز المحيسن=
ناوي يخرب لنا الاوطان = من طبعه الغش والبوقي
حوثي لجى في جبل دخان = ولابد ياصاحبي انفوقـي
حفيد الحجيري=
آمان يا صاحبي آمـان = لا خوف من نافخ البوقي
هذاك ما فيه غير لسـان = موثوق بالحبل موثوقـي
يبغى يضدّ النخل بأغصان = وأفكاره العوج له عوقي
ما يدري إنّا هل الميـدان = وفي نارنا الخصم محروقي