المشاركة الأصلية كتبت بواسطة لافي حمود الغيداني

اعزي عشاق الشعـر .. بالشاعـر العملاق= واعزي قـبـيـلة حرب في موت شاعـرهـا
واعزي عليه الاسره اللي نكدها فاق= حدود الصبر .. وغياب راسه مكـدرهـا
فراقه بالنسبه لإسرتة ماهـو أي افراق= عسى الله على وحشة فراقه يصبرهــا
واعزي صفـوف الشعـر في نجـمها الشعـاق= وشعّـار الصفـوف اللي بوقـته معـاصرهـا
الاعمار زرع ٍ دبرته في يد الخلاق= ينهى الله تعالى آجال خـلـقـه ويامرها
مقادير .. والدنيا كذا مالها ميثاق= رحاً مستديـره وانتكـبد خسايـرهــا
دنا يومه المحـتـوم .. والتف ساق بساق= وطويّت صحـيـفـة شاعـراً كان عامرها
بحسن التعـامل والـتـواضع وبالاخلاق= وصخـرّ البيوت اللي ماكل ٍ يصخـرهـــا
لياطلق عـنـان المفرده يطرب الاذواق= من اول طـواريق المعاني لياخـرهـا
كاإن المعاني بينه وبينها اتفاق= على الـسـمـو .. في جـوهـر باطـنها وظاهـرهـــا
يشنف سموع الهاوي المشفي التواق= لجزل البيوت النادره من مصادرهــا
عملاق ٍ طلايع سمعـته وصلة الآفاق= ماخـلقـت قـناوات الـقصيد .. وعناصرهـا
يبا يطول شوق اللي لمن يشبهه مشتاق= لو تولّـد عـيال النساء مع مناخـرهـا
غـدا المـوت في صياف .. وإهـتـزت الاعـمـاق=أعـماق الـرجـال .. وعـبرت عن مشاعـرهـــا
تهاوى هرم .. وغرورقت بالدموع احداق= وعزت به الاجـنـاب حرب وعشايـرها
لعـلـه مماتٍ لاحميم ٍ ولاغساق= وروح ٍ عليها راض ٍ الله وشاكـرهـا
اللهم أغـفـر له خـطـاياه يارزاق= ولابويه .. ولموتى المسلمين بمقابـرهـا