الليه انا اعلم المسلـم بمـا كـان وجـرى
اخاطب العالـم واقـول لـه علـم المتعلـم
اللي كمل دينه حياته بـاع فيهـا واشتـرى
درب الهدى واضح ومن يسلك طريقه يسلم
من قر بالتوحيد واسلم يجتنب درب الـزرى
من واجبه حبه لربـه ثـم اخـوه المسلـم
من يقذف اهل العدل والحكمه بقول مفتـرى
منبوذ في الاسلام من طبعه يسـب ويشتـم
كيل الشتايم ميزته مـن غيرذنـب بذكـرا
ويسب دولة تحت رايتهـا دولهـم تحتمـي
من مس دولتنا ترى مالـه ذنـوب تغفـرا
من طبعنا كيد المعادي والحسـود المجـرم
حكامنا ال سعود حكام علـى كـل الـورى
دستورنا القران ننهل مـن كتـاب محكـم
الامر بالمعروف سيرتهـا وتـرك المنكـرا
ماسبهـا الاجاهـل والا غـبـي مايفـهـم
الياذكر حاكم سعودي قلت انا نعـم الطـرا
معمرين الدار وانـت فـي بـلادك تهـدم
حكامنا من دونهـم موجـود خـط احمـرا
من يقرب الخط المعزز صار ليلـه مظلـم
ياحاج انا طالبك لاعودت تشـرح ماتـرى
وتعلم الي عـن مساعـي دولتـي مايعلـم
انا بذلنا كل جهد فـي رضـا رب البـرى
في خدمة الحجـاج مانبخـل بمـال ولا دم
راحه وصحه كل خيـر للحجيـج موفـرا
من حـج بيـت الله لازم بالمكـارم ينعـم
من حج يلقى كـل شـئ للحجيـج ميسـرا
الامـن سايـد والمسـار مرتـب ومنظـم
ديدن حكومتنا طوال الوقت سـر واجهـرا
مافيه تفضيل على الحجاج عربي واعجمـي
اللي درا عنـا يعلـم كـل غافـل مـادرا
ان السعوديه امـان ولااحـد فيهـا يظلـم
ماني مقدم لك دلايل كان لـك عيـن تـرى
انظر لمجهود الملـوك الـي تحـل وتنظـم
جبال مكـه مهدوهـا توسعـه لام القـرى
ماحسبوا في المال لو ساقوا جميـع المغنـم
ورجالها تسهـر لتوجيـه الاوادم والسـرا
ماعاد تلقى لك مشقة في الطواف وفي الرمي
كم قدمت من عون للمسلم على ظهر الثـرا
وللمشتكي ظيم الدهر دايـم تعيـن وتكـرم
واللي شكى هول النوائب لالفا يلقلى الـذرا
محمي معزز في حما الدوله يلوذ ويحتمـي
اقولها والراس عالي فوق من طلعـت كـرا
مادمت انا حربي وللشعب السعودي منتمـي
صلو على منه تلقـى للرسالـة فـي حـرا
عداد من صلى وصام وحـج مكـه محـرم