ياكامل الزين منك الروح مخطوره=منكم خطرها ومنكم طبها الواقي
بالليل اشوفك خيال وكامل الصوره=وان قمت حسيت شوفك بعد وفراقي
والود ماهو طباشير(ن) بسبوره=يجري مجال الخطر بالعرق ينساقي
من يوم صادفتكم والروح مكسوره=كسرة شره من عزيز(ن) فيه انا شاقي
لودمع عيني يزجه بيب ماصوره=مادبره من يروسه باول الساقي
الناس بالناس منهيه وماموره=وانا معك بس لامنقي ولا ناقي
لدي لنا بالنظر يانور مشكوره=والباقي الله وغيره ماحد(ن) باقي