كريم يابارقٍ جاله رفيف = خيّل خياله على وقت الصلاه
هَل البردّ وانخلع قلب الضعيف = واللاش وآبوه وآبو من قناه
بادي بخضرا مرزنّت الخفيف = هي هوى خاطري غاية مناه
اثني بها من وراء تال النكيف = يوم ابرد الخال مايلقط عصاه
قالوا له اللي يريدون الجميل = واللي من الطايلة ربي عطاه
اول نهاره يبا فيه الجميل = واتلا نهاره على قلبه حصاه
اخذت في بندقي سلكٍ جليل = غاشي قراها كما ريش القطاه
قولوا لفيصل عسى عمرك طويل = قولوا له الخلف والبندق فداه

يقول الوديعي يوم هجرس وغنا = حجا قنةٍ من نايفات الحيودي
ولا واهنيء من شاف قايد ظعنا = شريق الضحى مع بطن سايه يقودي
زبنا بني عاصم زبون المجنا = هل المزبن اللي سالمين النقودي
عليهم ثياب البيض مني تثنا = تثنا عليهم كل عامٍ وعيدي
ابنشدك ياعمدان من سال عنا = كذنك جبلنا اللي عطيتك سدودي
عسى من فرح بجلونا من وطنا = تدايم عليه القبر فرع اللحودي
وانا عارف اللي مايبا لي مثنا = وانا عارف الحساد واللي حسودي