السلام عليكم ورحمة الله وبركاته
هذي محاورة بيني و بين هامور دار الأركان لها فترة
أيام أعلنت الشركة عن توزيع أرباح نص ريال
طبعاً أقوم بالرد عن الهامور
البيرق
أبدا بذكر الله وألقي سلامي
سلام مني في بداية كلامي
لقائد الأركان جل أحترامي
هذا الصحيح وقولوا اللي تقولون
هامور لك مدة تصول وتجول
وراك سهم الدار محتل لها
الهامور 🐋
الله يحيي من لفانا يسلم
مالك ومالي عن علومي تعلم
الظاهر إنك ياعميلي تحلم
هذا الصحيح وقولوا اللي تقولون
عان البواخر راسيه بالحمول
أيام رحلتنا و نعلن لها
دام البقا ياللي بضيفه يهلي
أنا أسألك بالله يا الحوت قلي
عطني علومك خل عنك التغلي
هذ الصحيح وقولوا اللي تقولون
جيناك نسمع رايك اللي تقول
نبغى دقاق علومك وجلها
🐋
عندي مدير أعمال رح له وسجل
أنا معك هامور رجل مبجل
مامن علوم أخلص علينا وعجل
هذا الصحيح وقولوا اللي تقولون
خلك ثقيل ولا تجينا عجول
يبعد عن الأركان من ملها
هامور أنا محتار من كثر ماقيل
أحزاب ترجف فيه وأحزاب تطبيل
أنشد عن علوم السهم بالتفاصيل
هذا الصحيح وقولوا اللي تقولون
يا ذيب مالك نية فالنزول
دون العشر ياذيب تنزل لها
🐋
ليه ثلاث سنين أجمع فالأركان
عند الشلاش العلم والشيخ حركان
سعر العشر يا صاحبي في خبر كان
هذا الصحيح وقولوا اللي تقولون
لو قلت غير العشر كان معقول
حدي لسعر احدعش و آتلها
أنا خويٍ لك تحت سعر عشره
عطني تفاصيله بموجز ونشره
منع الخوي ياذيب له حق يشره
هذا الصحيح وقولوا اللي تقولون
إحترت فيك وصبتني بالذهول
هامور سهم الدار طبل لها
🐋
كم فرصةٍ مرت وسعره بلاشي
مالك عليه حق لو كنت كاشي
الخير مقبل فالمزون النواشي
هذا الصحيح وقولوا اللي تقولون
إسمع كلامي هرجكم لا يطول
أول هدف عشرين واصل لها
أخبار فالقمه عليها تصرف
ما يامن الحيتان غير المخرف
ما أنت أول اللي للحقائق يحرف
هذا الصحيح وقولوا اللي تقولون
مالي سلف ومقصده لي حول
خايف سيوف الغدر تستل لها
🐋
أعطاك نص ريال للسهم توزيع
وتجي لي من بعده اتقول تلميع
عندي هدف من سعره اليوم تجميع
هذا الصحيح وقولوا اللي تقولون
أرباح زادت عن جميع الفصول
فل المحافظ يالخوي فلهـا
وإن قيل سهم الدار غامض وحوسه
أحسن منه بسطة بطاطس وكوسه
كم طامع فالربح ضيع فلوسه
هذا الصحيح وقولوا اللي تقولون
حاجز على الرحله معك لو تطول
لعل فيها الخير لعل لها
🐋
من قال لك يابيرق السهم غامض
قله يطوله قبل لا يقول حامض
العاطفه حملت و ولدت تناقض
هذا الصحيح وقولوا اللي تقولون
ياالله دخيلك وش جرى للعقول
دربل لشمس الظهر دربل لها
أقنعتني بعلومك اليوم يالحوت
واحسرتي على بخَيِّتْ ومبخوت
نصحتهم لكن من يسمع الصوت
هذا الصحيح وقولوا اللي تقولون
بعض العرب تلقاه وسط السيول
ويقول ديمه دون يفطن لها
🐋
بيرق يا يبرق خل عنك العنادي
إن جيتهم سلم عليهم ونادي
الدار يقدح نار تحت الرمادي
هذا الصحيح وقولوا اللي تقولون
المعذره منكم على ذا الفضول
لاتظنـها سلعـة نـدلـل لهـا
من بعد شاب القاف فالدار طبحت
وقمت أتلفت في المكان وتنحنحت
وأصبحت ممن علقه راعي السحت
هذا الصحيح وقولوا اللي تقولون
أثريك يالحصني موظف ثعول
بالمصلحة ترطـن وترطن لهـا
البيرق