بين لويحان الازوري وحاسن المطرفي وتدخل فيها لافي الحربي رحمهم الله جميعا
لويحان
بعيري ضاع عند هذيل عانو جرته ميثار=وانا عهديبها بين البهيته واليمانيه
ترى من يجحده مخطي وانا عندي عليه انوار=ثبت راس الجمل وارهت عتيبه بالمحقيه
حاسن
بعيرك ضاع واللي ضيعه من ميتين النار=رقد في حروته ما يرقد الا طافي الضيه
علومك بايهه من يوم حطيت اليمين يسار=تعد الزور وانته ما ثبت لك راسماليه
لافي
انا لا اوحيك تزهق فوق حاسن كملة الشعار=يعرف الحق ماهو من رياجيلن خطاويه
اليا جيناه انا وياك نبغى الحق والمسعار=يحط الواحده ثنتين والثنتين مثنيه
لويحان
تبا تمدح بها حاسن كمنك لك معه مخشار=علاكم والله اكبر كلبوكم يالحراميه
زمان الجاهليه تقعدون الدرب للزوار=وذلحين احمد الله تاكل الحوته وهي نيه
حاسن
اكلنا الحوت وانته كل ربعك ياكلون الفار=ليا صدت الك واحد كنك الا صدت قمريه
اكلت انته وجيرانك والاخر فالقدور اسوار=يسد اهل المراح ومايجيهم من لفاويه